Thursday, April 30, 2009

ဝိပဿနာ....(မသက်သက်လွင်)





ဟန္ဒ ဒါနိဘိက္ခဝေ၊ အာမန္တယာမိဝေါ၊
သယဓမ္မာသင်္ခါရာ၊ အပ္ပမာဒေန သမ္ပာဒေထ။
ရုပ်နာမ်ဓမ္မ၊ ခန္ဓာငါးပါးတည်းဟူသော ပြုပြင်၍ပေါ်ပေါက်လာရသော သင်္ခါရ တရားတို့သည် ကုန်ခြင်း၊ ဆုံးခြင်း၊ ပျက်ပြုန်းခြင်းသာ ရှိကြ၏။ မမေ့မလျော့ မပေါ့သောသတိဖြင့် နှလုံးသွင်းဆင်ခြင်ကြကုန်။

နညတြဗောဇ္ဈာတပသာ၊ နညတြိန္ဒြိယသံဝရာ
နညတြ သဗ္ဓနိဿဂ္ဂါ၊ သောတနတ္ထိပဿဓိ ပါဏိနံ၊
ဝိပဿနာ အလုပ်တည်းဟူသော မဂ္ဂင်အကျင့်၊ ဗောဇ္ဈင် အကျင့်ကို ကြဉ်ထား၍ လည်းကောင်း၊ အိနြေ္ဒစောင့်ရှောက်ခြင်းတည်းဟူသော သီလအလုပ်ကို ကြဉ်ထား၍လည်းကောင်း၊ ကိလေသာတို့၏ ကုန်ရာ နိဗ္ဗန်ကို ကြဉ်ထား၍လည်းကောင်း သတ္တ၀ါတို့အား ချမ်းသာခြင်းကို ငါဘုရားမမြင်ချေ၊
ဗုဒ္ဓမြတ်စွာ ဘုရားရှင်

ဤစာစုသည် ၀ိပဿနာတရား ရှုမှတ်နည်း အကြောင်း ရေးသားထားခြင်း မဟုတ်ပါ။ ၀ိပဿနာ ဘာဝနာ အကျင့်မြတ်သည် ဗုဒ္ဓမြတ်စွာဘုရား၏ သာသနာတော်တွင် အဓိကကျသော အားကိုးအားထားရာ၊ မြတ်စွာဘုရား အချီးမွမ်းဆုံးသောအလုပ်၊ တရားစစ် တရားမှန်ဖြစ်ကြောင်းကို မိမိသိမြင်သကဲ့သို့ လူအများသိစေလိုသော ကွယ်လွန်သူ၏ စေတနာဆန္ဒ၊ ကိုယ်တွေ့ဗုဒ္ဓ၀ါဒ အနှစ်သာရကို ဝေငှလိုသော မွန်မြတ်သော ရည်ရွယ်ချက်က ပဓာန ဖြစ်ပါသည်။

အထက်ပါ အမှာစကားများကို မသက်သက်လွင်၏ အသုဘအခမ်းအနားတွင် ဆစ်ဒနီမြို့ရှိ ကျန်ရင့်သူ မကဒတ ရဲဘော်ဟောင်းများနှင့် သူမ၏ တခြားမိတ်ဆွေများက သူမှာမှာကြားခဲ့သော ၀ိပဿနာ အကြောင်းကို သူမ၏ကုသိုလ်အဖြစ် စာအုပ်ငယ်လေးအဖြစ် ထုတ်ဝေလှူဒါန်းပေးရာ၌ စာအုပ်အဖုံးတွင် အမှာစာအဖြစ် ရေးခဲ့ခြင်းဖြစ်ပါသည်။

မသက်သက်လွင်သည် ABSDF တပ်ရင်း (၆၀၁) မှ တပ်ဖွဲ့ဝင် ရဲမေတဦးဖြစ်ပြီး ABSDF ဒုတိယအကြိမ် ညီလာခံ၌ ပထမဦးဆုံး အမျိုးသမီး ဗဟိုကော်မီတီဝင်အဖြစ် အရွေးချယ်ခံခဲ့သည့် မကဒတအမျိုးသမီး တပ်ဖွဲ့ဝင် ဖြစ်သည်။ သူမသည် ပြည်တွင်း၊ နယ်စပ်၊ ပြည်ပ စသည့် နေရာများအားလုံးတွင် မကဒတ၏ တာဝန်ကို ကျယ်ပြန့်စွာ အမျိုးသားများတပ်ဖွဲ့ဝင်များနှင့် ရင်ဘောင်တန်းပြီး ထမ်းဆောင်ခဲ့သူတဦး ဖြစ်ပါသည်။ ၂၀၀၁ ခုနှစ်တွင် သြစတြေးလျားနိုင်ငံ ဆစ်ဒနီမြို့သို့ ရောက်ရှိပြီး ၂၀၀၃ ခု ဧပြီလ ၇ ရက်နေ့ နံနက် ၁၀ နာရီ မိနှစ် ၅၀ ၌ ဆစ်ဒနီမြို့ရှိ St. Joseph’s Hospital, Auburn တွင် အစာအိမ် ကင်ဆာရောဂါဖြင့် ဘ၀တပါးသို့ ကူးပြောင်းခဲ့ပါသည်။ အောက်ပါစာစုသည် ဗုဒ္ဓဘာသာဝင်များအတွက် သူမ၏ အမှာစာဖြစ်ပါသည်။


(၀ိပဿနာ)

၂၀၀၁ ဒီဇင်ဘာကုန်တုန်းက အစာအိမ်ထဲမှာ ကင်ဆာဖြစ်နေပြီဆိုလို့ အစာအိမ်ရဲ့ လေးပုံသုံးပုံကို သြစတြေးလျားနိုင်ငံ ဆစ်ဒနီမြို့ ၀က်(စ်)မိ ဆေးရုံမှာ ဖြတ်တောက်ခဲ့တယ်။ ဆေးရုံမှာ ကိုးရက်လောက်နေပြီးတော့ ချုပ်ရာတွေ ကျက်တာနဲ့ ပြန်ဆင်းခဲ့ရတယ်။ အိမ်ပြန်ရောက်တဲ့အခါမှာ လူက နားနေဖို့ အချိန်ကို သတိမရပဲ အင်တာနက်တွေမှာ အစာအိမ်ကင်ဆာနဲ့ ပတ်သက်တဲ့ သတင်းတွေ လျှောက်ရှာဖတ် ဖြစ်ခဲ့တယ်။ ကိုယ့်လို အခြေအနေမျိုး ကုလို့မရတဲ့ အခြေအနေနဲ့ သုံးလေးနှစ်လောက် ခံတယ်ဆိုတဲ့ သတင်းတွေ ပိုပြီးများများ ဖတ်ခဲ့ရတယ်။ ဖတ်သွားလေ ကြောက်တာတွေ ပိုတိုးလာလေ ဖြစ်ဖြစ်လာပြီးတော့ လူဟာ တော်တော်ဆောက်တည်ရာမရ ဖြစ်နေခဲ့တယ်။ ကလေးတွေအဖေက ဒါကို နားလည်ခဲ့ပုံ မရဘူး။ ဆေးရုံမတက်ခင်မှာ ရန်ဖြစ်ပြီး ဆေးရုံတက်ခဲ့တယ်။ ဆေးရုံဆင်းတော့လည်း စကားမပြောဖြစ်ကြဘူး။ အိမ်မှာ ဒီလိုပဲ ကတောက်ကဆ ဖြစ်နေတာ အမြဲတမ်းပါပဲ။ ဒီတော့ ထုံးစံအတိုင်း တယောက်ထဲပဲ စီမံကိန်းတွေဆွဲ တယောက်ထဲပဲ ရင်ဆိုင်ရင်းနဲ့ ၂၀၀၂ ခုနှစ်မေလထဲမှာ ကင်ဆာအတွက် ဓါတ်ကင်ကုတာတွေ၊ ဆေးထိုးတာတွေ ဆက်လုပ်ခဲ့တယ်။ ဒီလိုနေလာရင်းနဲ့ တက္ကသိုလ်မှာ မြို့ပြအင်ဂျင်နီယာဘွဲ့ ဆက်တက်နိုင်အောင်လည်း လိုအပ်တဲ့ သင်တန်းတိုတွေ ပြေးတက်နေခဲ့တယ်။
ပိုပြီးဖြတ်သန်းလာလေ ကင်ဆာရောဂါရဲ့ မရေရာမှုတွေကို ပိုပြီးနားလည်လာလေလေ ဖြစ်ရင်းနဲ့ စိတ်ဓါတ်ကျတဲ့အခါတွေ ဖြစ်တဲ့အအကြိမ်လည်း အများကြီး ဖြစ်လာခဲ့တယ်။ စာအုပ်တွေ အများစုမှာလည်း ကင်ဆာသမားတွေအတွက် တရားထိုင်တာ အင်မတန်ကောင်းတယ်လို့ ရေးသားထားကြတာ ပါပေမယ့် တရားထိုင်ဖို့ ကိစ္စကို စိတ်ကူးနြ့တောင် မလုပ်နိုင်ခဲ့ဘူး။ ဗမာပြည်က အစ်အကြီးဆုံးနဲ့ ဆက်သွယ်ပြီး ဗမာဆေးတချို့ကို ၀ယ်စားတာလောက်ပဲ လုပ်ဖြစ်တယ်။ အဓိက ဗမာပြည်က အစ်မကြီးကို တိုင်ပင် စီမံကိန်းချ ဖြစ်တာကတော့ ကင်ဆာရောဂါ ကုလို့ မရနိုင်တဲ့အကြောင်း၊ စောစောစီးစီး သေသွားမယ်ဆိုရင် သမီးတွေကို အစ်မကြီးနဲ့ ပြန်ထားမယ် ဆိုတဲ့အကြောင်းတွေ ဆွေးနွေးဖြစ်ရင်း ဗမာပြည်မှာ အိမ်ကလေးတလုံး ကြိုဆောက်ထားဖို့ ဆွေးနွေးဖြစ်ခဲ့တယ်။ အစ်မကြီး သဘောတူပါတယ်။ ဒါပေမယ့် သူက ကလေးတွေကို ကျန်းမာရေး၊ ပညာရေး ပိုစိတ်ချလုံခြုံရတဲ့ သြစတြေးလျားမှာပဲ ကြီးပြင်းစေချင်တယ်။
ကိုယ်ကလည်း လက်ခံပါတယ်။ ဒါပေမယ့် ကလေးတွေ ဗမာဇာတိပျောက်သွားမယ့် အခြေအနေကို သိပ်စိုးရိမ်မိတယ်။ တခါတလေကျတော့လည်း ကိုယ့်စဉ်းစားချက်တွေေ၀၀ါးလို့ နေသလိုပါပဲ။ တိုင်ပင်ရမည့်သူကလည်း မရှိ၊ အတွင်းကျကျ ထုတ်ပြောရမည့် သူကလည်းမရှိဘူးလို့ စိတ်ထဲမှာ အမြဲလို ဖြစ်နေတော့ ဒီနောက်ပိုင်းမှာ ကိုယ့်ရဲ့ အထီးကျန် ခံစားချက်တွေ ပိုပြီးဆိုးရွားလာနေသလိုပါပဲ။ နိုဝင်ဘာလကျတော့ ကိုယ့်ရောဂါ အခြေအနေကြောင့် ရထားတဲ့ အစိုးရ ပင်စင်စား အိမ်ရာလေးတခုမှာ ရွှေ့ဖြစ်ကြတယ်။ အဆိုးထဲက အကောင်းထွက်တယ်လို့ ပြောရမှာပဲလေ၊ ရတဲ့အိမ်လေးက အိပ်ခန်း သုံးခန်းနဲ့ ရပ်ကွက်သန့်သန့်တခုမှာ ဆိတ်ငြိမ်တဲ့ အိမ်လေးကို ရခဲ့တယ်။ ကလေးတွေ ကျောင်းအတွက်လည်း အဆင်ပြေတယ်။
အိမ်ပြောင်းလာတဲ့ အချိန်ကစပြီးတော့ လူက နေရထိုင်ရတာ အဆင်မပြေတော့ဘူး။ အစာစားပြီးရင်လည်း အန်တယ်၊ လူက၀မ်းလည်းချုပ်တယ်။ အဲဒါနဲ့ ဆရာဝန်နဲ့ ချိန်းထားတဲ့ရက်လည်း နီးပြီမို့ ပေပြီးစောင့်နေလိုက်တယ်။ တကယ်တမ်း ဆရာဝန်နဲ့ သွားတွေ့တဲ့ ရက်မှာ ကင်ဆာ ပြန်ဖြစ်လာနေတဲ့ လက္ခဏာ ပေါ်လာနေတယ်လို့ သိလိုက်ရတယ်။ ဆေးရုံက အူလမ်းကြောင်း ပြန်ချဲ့ပေးတဲ့နည်းနဲ့ ကုသဖို့ ကြိုးစားခဲ့ပေမယ့် မအောင်မြင်ဘူး။ အစာအိမ်ကို ဒုတိယအကြိမ် ထပ်ခွဲရပြန်တယ်။ လူဟာ အရင်တုန်းကထက် အဆပေါင်းများစွာ ဆောက်တည်ရာမရ တုန်လှုပ်ခြောက်ခြားမှုတွေ ဖြစ်လာခဲ့ရတယ်။ ခွဲစိတ်ပြီးတဲ့အချိန် ကြားရတဲ့ သတင်းကတော့ ကမ္ဘာပျက်တဲ့ အလားပါပဲ ကင်ဆာ ခွဲထုတ်လို့ မရတော့ဘူး၊ နောက်သုံးလလောက်ပဲ အသက်ဆက်ရှင်နိုင်တော့မယ်။ ပထမဆုံး သတိရလိုက်တာကတော့ ဘုရားရှင် ကိုယ်တော်မြတ်ကြီးပါပဲ။ ဘုရား၊ ဘုရာ၊ ဘုရားလို့ နှုတ်က တမိလိုက်တယ်။ သမီးတွေကို ဘယ်လိုလုပ် ထားခဲ့ရမလဲ၊ ဗမာပြည်ပြန်ပို့ဖို့ အချိန်မီပါ့မလား၊ ဘယ်သူက ပြန်ပို့ပေးမှာလဲ၊ ဘယ်လိုလုပ် ပို့မှာလဲ ပိုက်ဆံလည်းမရှိဘူး အဲဒီလို ပူနေရင်းက ရှမ်းလေးဆိုတဲ့ မိတ်ဆွေတယောက် ဆေးရုံကိုလာလည်တယ်။ သူက ဒီလိုပဲ ဆေးရုံက ခြောက်လပဲလို့ လက်လျှော့လိုက်တဲ့ ရောဂါရှင်တယောက် ခြောက်နှစ်လောက်တောင် နေသွားဖူးတယ်၊ အဲဒီလိုပဲ လေးလပဲခံမယ်ဆိုတဲ့ အဖွားကြီးတယောက် အခုထက်ထိ ရှိနေတယ် ဆိုတဲ့ အားပေးစကားတွေ လာပြောတော့ ရင်ထဲမှာ မျှော်လင့်ချက်လေးတခု ပြန်မြင်လာသလိုပဲ။ ကိုရှမ်းလေးက ထပ်ပြောပြတယ် အဲဒီလူတွေ အားလုံးက (Meditation) တရားထိုင်တာတွေ လုပ်ကြတယ်တဲ့။
ဒီလိုနဲ့ ဆေးရုံက နှစ်ပတ်ကြာပြီး အိမ်ပြန်ရောက်တော့ မိတ်ဆွေတွေလည်း ၀ိုင်းအုံရောက်လာပြီးတော့ ၀ိပဿနာအလုပ်နဲ့ဆိုင်တဲ့ တရားခွေတွေ၊ စာအုပ်တွေ ပေးဖတ်တယ်၊ လူငယ်ဘ၀တုန်းက ဗုဒ္ဓဘာသာရဲ့ အဆီအနှစ်တွေ လေ့လာတယ်၊ ဖတ်ရှုလက်ခံခဲ့တယ်။ သိပ်နှစ်သက်သဘောကျပြီးတော့ ကိုယ့်ကိုယ်ကို လက်တွေ့ကျတဲ့ ဗုဒ္ဓဘာသာဝင်တဦး ဖြစ်ရခြင်းကို ကံကောင်းတယ်လို့ အမြဲယုံကြည်ကျေနပ်ခဲ့သူ တယောက် ဖြစ်တယ်။ ၀ိပဿနာ အလုပ်ကို ရေရေရာရာ မလုပ်ဖြစ်ခဲ့ဘူး။အခုတော့ လုပ်ဖို့ကြိုးစားပါတယ်။ နောက်ကျတယ်၊ စောတယ်ဆိုတာ မရှိပေမယ့် ထင်သလောက်တော့ ခရီးမပေါက်ခဲ့ပါဘူး။ အိမ်မှာ ပူပင်ရတဲ့ ကိစ္စတွေ အများကြီး ရှိနေသေးတယ်။ သားမီး သံယောဇဉ်၊ မိသားစု သံယောဇဉ်တွေ တိကနဲ ဖြတ်ချလိုက်လို့ ရလောက်အောင်လည်း ပါရမီအခံ ရှိခဲ့သူ မဟုတ်ပြန်ဘူး။
ဆေးရုံပြန်ဆင်းလာပြီ ဆိုပေမယ့် အစာစားတဲ့ကိစ္စက ပုံမှန်ပြန်ဖြစ်နိုင်မယ့်ဟာ မဟုတ်ဘူး။ ဒီကြားထဲမှာ ဗမာဆေးသောက်၊ ကချင်ဆေးသောက်၊ တရုတ်ဆေးသောက်နဲ့ ယုံကြည်ရာ ဆေးတွေ ဆက်သောက်နေ ဖြစ်ခဲ့တယ်။ မျှော်လင့်ချက် အမြင့်ကြီးကတော့ သိပ်မထားတော့ပါဘူး။ ဒါပေမယ့် ဒီဘ၀ သက်တမ်းလေးမှာ ဆန့်နိုင်သလောက် ဆန့်ပြီး သွားနိုင်စရာ အကြောင်းတရားတွေနဲ့ ဆက်ပြီးရှာဖွေနေတုန်းပါပဲ။ ဒီလိုနဲ့ ၂၀၀၃ ခုနှစ် ဖေဖေါ်ဝါရီ အလယ်ပိုင်းလောက်က စပြီး ဆေးရုံနဲ့ အိမ်ကြား ပြန်ပြေးခဲ့ရပြန်တယ်။ ဆေးရုံ့ ပြန်မသွားရခင် ဒီနှစ် NSW တက္ကသိုလ်မှာ မြို့ပြပတ်ဝန်းကျင်ဆိုင်ရာ အင်ဂျင်နီယာဘွဲ့အတွက် ကျောင်းတက်ခွင့်ရတယ်လို့ အကြောင်းကြားစာ ရလာခဲ့တာလည်း ရှိတယ်။ ဒါပေမယ့် ကိုယ့်အခြေအနေမှန်ကို သိနေပြီဖြစ်တော့ အဲဒီကိစ္စအပေါ်မှာ တာရှည်ကြီး စဉ်းစားမနေဖြစ်လိုက်ပါဘူး။ ဆေးရုံမတက်ခင်မှာ သမီးတွေအတွက် ဗမာလို စာမျက်နှာ ငါးမျက်နှာပါတဲ့ စာတစောင်ရေးဖြစ်တယ်။ အဓိကကတော့ သူတို့လေးတွေ ဗမာလိုနေဖို့ ဗုဒ္ဓဘာသာဝင် အခြေခံကျကျ အဆီအနှစ်ကျကျ နားလည်ကြဖို့နဲ့ ဗုဒ္ဓရဲ့ အဆုံးအမအတိုင်း လူ့ဘ၀မှာ ငြိမ်းငြိမ်းချမ်းချမ်း နေသွားစေလိုတဲ့ စေတနာနဲ့ ရေးဖြစ်တာပါ။ ဆေးရုံက ပြန်ဆင်းလာတယ် အစားမပြောနဲ့ ရေတောင် ကောင်းကောင်း မသောက်နိုင်တော့ပဲ အန်တယ်။ အိမ်မှာရော ဆေးရုံမှာပါ ဘုန်းတော်ကြီးတွေ ကြွလာပြီးတော့ ပရိတ်တရားများ ဟောကြားပေးကြပါတယ်။ သွန်သင်ဆုံးမမှုများ ပြုလုပ်ကြပါတယ်။ မကျန်းမာစဉ်အတွင်းမှာ တရားမှတ်ပြီး နေထိုင်ခြင်းဟာ အကောင်းဆုံးလို့ သင်ကြား ပြသတော်မူခဲ့ကြပါတယ်။
ဆေးရုံက ဆင်းလာခဲ့ပြန်တယ်၊ အိမ်မှာ ဇော်ထွန်းဆိုတဲ့ မိတ်ဆွေတယောက်က လာလည်တယ်။ တရုတ်ပြည်မှာ ဆေးသွားကုဖို့အတွက် မဆိုင်းမတွပဲနဲ့ ၀ိုင်းပြီးတော့ ကူလုပ်ကြတယ်။ အဲဒီနေ့က သူတို့ဇနီးမောင်နံ ပြန်သွားအပြီးမှာ တရားအဖန်ဖန် ရှုမှတ်ရင်းနဲ့ မိမိကိုယ်ကိုယ်မိမိ လက်ခံခြင်း၊ ကောင်းစွာသိခြင်း အဆင့်ကိုရင်ထဲက တွေးကြည့်ရုံ မဟုတ်ပဲနဲ့ အားမတန်လို့ မာန်လျှော့ရတယ်ဆိုတဲ့ အနေအထားမျိုးမဟုတ်ပဲနဲ့ ကျေကျေနပ်နပ် လက်ခံလိုက်နိုင်တယ်။ အဲဒါနဲ့ ကလေးအဖေကို ဖုန်းဆက်ပြီး ပြောခိုင်းတယ်တရုတ်ပြည်မှာ ဆေးကုမယ့် ကိစ္စကို ဆက်မလုပ်ပါနဲ့တော့လို့ ပြောခိုင်းတယ်။ နောက်တနေ့ကျတော့ အိမ်မှာ နေ့စဉ်လာရောက် ကြည့်ရှုပေးနေတဲ့ ဆေးရုံဆရာမ တယောက်ဆီမှာဆားရည်ချိတ်ထားတာ ပြန်ဖြုတ်ပေးဖို့ မေတ္တာရပ်ခံလိုက်တယ်။ ဒီဆားရည်တွေဟာ အသက်ရှည်စရာ အကြောင်းတရား မဟုတ်နိုင်တဲ့ အရာတွေပါပဲ၊ နာရီပိုင်းလောက်သာ မျှော်လင့်ချက် ပေးထားနိုင်တဲ့အရာတွေပါ။ အဲဒါနဲ့ ဆားရည်လည်း ပြန်ဖြုတ်လိုက်တယ်။
အိမ်မှာနေရင်းနဲ့လည်း ကလေးအဖေနဲ့ ကလေးတွေကို အမြဲ အကဲခတ်လေ့လာနေခဲ့တယ်။ သူတို့တွေ ကိုယ်နာမကျန်း ဖြစ်နေတဲ့အပေါ် စိတ်မကောင်းဖြစ်တာရုံ မဟုတ်ဘူး သိပ်တော့ မျှော်လင့်ချက် မထားနိုင်တာကို သိနေကြမှာပါ။ တကယ်တမ်းပြောရရင် ကလေးတွေအတွက်သာ ကိုယ်က မိခင်မေတ္တာနဲ့ ပူပန်စိတ် အမျိုးမျိုးဝင်နေရပေမယ့် သူတို့လေးတွေဟာ ဘာမှ နာလည်ပုံ မရကြဘူး။ ပြောရမယ်ဆိုရင် ဒီကနေ့ ကောက်ကာငင်ကာ သေသွားလည်း သူတို့တွေ ဘယ်လောက်များများ နားလည်ခံစားတတ်မှာလဲ ကလေးဆိုတာ စားချိန်စား ကစားချိန်ကစား အိပ်ချိန်တန် အိပ်သွားတတ်ကြတယ်လေ။ အခြေအနေတခုကြောင့် သူတို့ရဲ့ဘ၀မှာ မိခင်ဆိုတာမျိုး တောင်းတလာမယ့် အချိန်ကျတော့ ကိုယ်က မရှိနိုင်တော့ဘူးပေါ့။ ဒီအခြေအနေအားလုံးလည်း မိမိထိန်းချုပ် ဖန်တီး ဟန့်တားပြုပြင်လို့ ရတဲ့အရာတွေ မဟုတ်ပါဘူး။ ဒီနိယာမဆိုတဲ့ လွန်ဆန်လို့မရတဲ့ သဘာဝတရားတွေကို ကျေကျေနပ်နပ် ခံယူလာနိုင်တဲ့အချိန်ဟာ မိမိအတွက် တကယ်ကို အေးချမ်းတဲ့ အချိန်များပါပဲ။
ကိုယ့်ရဲ့ ၀ိပဿနာညာဏ်စဉ်ဟာ ဘယ်အဆင့်ကို ရောက်တယ်ဆိုတာ မသိပါဘူး။ တခုထင်ရှားတာကတော့ ဒီ မတ်(ခ်ျ)လ ၁၂၊ ၁၃၊ ၁၄၊ ၁၅ ရက်အတွင်းမှာ လူက စိတ်အရ ပေါ့ပါးလွတ်လပ်လာတယ်။ ခန္ဓာကတော့ နာနေတာပေါ့လေ။ လိုအပ်တဲ့ ဆေးဝါးတွေလည်း မှီဝဲနေဆဲပါပဲ။ အထူးသဖြင့် ညဘက်တိတ်ဆိတ်တဲ့ အချိန်များမှာ ပိုပြီး စိတ်ချမ်းသာတယ်။ စိတ်တုန်လှုပ်ခြင်း သောကရောက်ခြင်းတွေ ရှိမနေတော့ဘူး။ အိပ်ပျော်ရာက နိုးလာတဲ့အချိန်မှာ ဒီဘ၀ကလွတ်မြောက်ဖို့ရာ ပိုနီးလာပါလားဆိုတဲ့ ပီတိမျိုးကို သိသိသာသာကြီး ခံစားရတယ်။ ဒီပီတိဖြစ်နေခြင်းဟာ ၀ိဘ၀တဏာဆိုတဲ့ ဘ၀ပျက်ခြင်းကို အလိုရှိခြင်း ဖြစ်နေပြီလားသမ္မာဒိဌိဖြစ်နေမလားလို့ သိချင်တာနဲ့ ၁၅၊၀၃၊၀၃ နေ့လည်ပိုင်းမှာ (ယနောရာ) ဆရာတော် အရှင် ဦးဇာဂရထံမှာ လျှောက်ထား မေးမြန်းခဲ့တယ်။ ဆရာတော်ဘုရားကြီးက ၀ိဘ၀တဏာက ကိုယ်လိုက်လို့ ဒီစိတ်ပေါ်တာ မဟုတ်တဲ့အပြင် ပြုဖူးတဲ့ကုသိုလ်တွေကြောင့် သေရမှာကို မကြောက်တဲ့စိတ် ပေါ်လာတာ ဖြစ်တယ်လို့ ရှင်းပြတယ်။ အဲဒါနဲ့ ကိုယ့်စိတ်ထဲမှာ ကြည်ပြီးတော့ ရှင်းသွားတယ်။ တချို့ရက်တွေမှာ ဆိုလို့ရှိရင် ဒီလိုစိတ်တွေ ရှင်းဖို့ အချိန်မရောက်ခဲ့ဘူး။ တခုမဟုတ်ရင် တခုသောကရောက်လာတာပဲ။ အဲဒီနေ့ ရင်ထဲမှာ ငြိမ်းချမ်းလာမှုတွေနဲ့ ပတ်သက်ပြီးတော့ စာလေးတစောင်လောက် ရေးချင်လိုက်တာလို့ ဆန္ဒရှိလာတာနဲ့ ကလေးအဖေကို ပြောပြတယ်။ သူက ရေးပေးမယ်ဆိုတာနဲ့ ရေးဖြစ်ခဲ့တာပါ။
အနှစ်ချုပ် ပြောချင်တာကတော့ လူတယောက်ရဲ့ ဘ၀ကောင်းရာမွန်ရာ နေနိုင်၊ ရောက်နိုင်အောင်၊ တန်ဖိုးရှိအောင် သံသရာ ၀ဋ်ဆင်းရဲကြီးကနေ လွတ်မြောက်ပြီး သံသရာ ချုပ်ငြိမ်းသွားအောင် ရနိုင်ရောက်နိုင်တဲ့ တရားများဟာ မြတ်စွာဘုရား ဟောကြားခဲ့တဲ့ တရားဓမ္မများသာလျင် ဖြစ်ကြောင်း၊ ဗုဒ္ဓသည်သာ ကိုးကွယ်ရာ၊ ဓမ္မသည်သည်ကိုးကွယ်ရာ သာသနာ့ဝန်ကို သစ္စာရှိစွာ ထမ်းဆောင်နေသော သံဃာသည်သာ ကိုးကွယ်ရာပဲ ရှိပါတယ်။ ဒီလို ကိုယ်တိုင်ကိုယ်ကျ အားထုတ်လေ့လာနိုင်တဲ့ တရားဓမ္မဆိုတာ ဗုဒ္ဓဘာသာမှာသာ ရှိတဲ့အတွက်ကြောင့် ဒီစာကို ဖတ်တဲ့သူဟာ ဗုဒ္ဓဘာသာဝင်ဖြစ်ရင် မိရိုးဖလာ ဗုဒ္ဓဘာသာဝင် အဖြစ်လောက်နဲ့ပဲ မကျေနပ်နေကြပဲ ၀ိပဿနာ တရားများကို လက်တွေ့ကျင့်ကြံ အားထုတ်ကြဖို့ တိုက်တွန်းလိုပါတယ်။ သေမှာကို မကြောက်တော့ပဲ သတ္တရှိရှိနဲ့ သေခြင်းတရားကို ရင်ဆိုင်သွားနိုင်ပြီဆိုရင် ဘယ်လောက် တန်ဖိုးရှိသလဲဆိုတာ တကယ်ရင်ဆိုင်ဖူးတဲ့သူပဲ သိနိုင်ပါတယ်။ ဒီသတ္တိလေး ရမလာခင် ဒီသတ္တိလေးရှိမလာခင်မှာ ဖြတ်သန်းလိုက်ရတဲ့သောက စိတ်ဆင်းရဲ ပင်ပမ်းခြင်းတွေဟာ ဘယ်လောက်ကြီးတယ်ဆိုတာ ဖြတ်သန်းဖူးသူတွေသာ သိနိုင်ပါတယ်။ စေတနာ၊ မေတ္တာ ဂရုဏာ တရားတွေကို အခြေခံပြီး ဒီစာကို ရေးဖြစ်ပါတယ်။ သာဓု အနု မောဓနာ ခေါ်ယူကြပါကုန်။

(သာဓု သာဓု သာဓု)



သက်သက်လွင်
စနေနေ့ ၁၅၊ ၃။ ၀၃


အပြည့်အစုံဖတ်ချင်ရင်>>>

Monday, April 27, 2009

ဂီတချစ်သူများအတွက်...ဂီတ

ပိုစ်တွေမတင်ဖြစ်တာတောင် တော်တော်ကြာသွားတယ် လာလည်ကြတဲ့မိတ်ဆွေတွေအားလုံး ကို တောင်းပန်ချင်တယ်ဗျာ။ တခြားအလုပ်တွေကများ လူကတခါဖျား နောက်ခလေးတွေက နေမကောင်းဖြစ်ပြန်။ တော်တော်ကြာသွားတာပဲနော် အခုတော့ ကျနော်စမ်းတီးနေတဲ့ သီချင်း လေးတွေထဲက Flamenco တေးသွားလေးတပုဒ် တီးထားတာလေးတင်လိုက်တယ်ဗျာ။ ဒီဂီတအမျိုးအစားကိုတီးကြည့်ဘို့ ကျနော်ကိုတိုက်တွန်းတာကတော့ ကျနော်တို့ရဲဘော်ကြီး ကိုဘစောထွန်းပါ ကျနော်တို့နှစ်ယောက်သား တခါတလေ အွန်လိုင်းမှာ မြူးဇစ်အကြောင်း တွေပြောကြ တိုင်ပင်ကြ အလုပ်များနေတတ်ကြသေးတာလေ။

သူကတော့ Finger Style Acoustic တွေတီးတယ် ကျနော်ကိုလဲ မြူးဇစ် Note တွေပို့ပေး တယ်။ သူက Tommy Emmanuel ကိုတော်တော်ကြိုက်နှစ်သက်ပုံလဲရပါတယ်။ ဒါနဲ့ ကျနော်လဲ Right hand techniques တွေသိတ်ကောင်းတဲ့ flamenco Music တချို့ တီးဖြစ်ပါတယ်။ တော်တော်ခက်ပါတယ် လက်အယူအဆတွေပါ ပြောင်းပစ်ရတာတွေရှိတယ်။

ဒီဂီတအမျိုးအစားကို လက်တင်အမေရိကနိုင်ငံတွေနဲ့ စပိန်၊ အီတလီ စသည်ဖြင့်ပေါ့လေ နိုင်ငံ တွေမှာတီးကြတာများတာတွေ့ရပါတယ်။ အကနဲ့တွဲပြီးတော့လဲ မြူးကြွတဲ့ဟန်နဲ့ လှပတဲ့ ကကွက်တွေကို ဖန်တီးလေ့ရှိပါတယ်။ ကဟန်လေးတွေကလည်း ကြည့်လို့ကောင်းပါတယ်။ နောက်ဂီတသက်သက်ကိုလဲ Spanish Guitar နဲ့တီးပါတယ်။ ဗုံအမျိုးမျိုးနဲ့လဲတွဲတီးတာ တွေ့ရတယ် Flamenco ဂီတပညာရှင်တွေတီးထားကြည့် နားလည်သလောက်လိုက်တီး တခုတော့ရှိပါတယ် အသံကျယ်ပါတယ်။ တခါတခါ သူ့ဂီတပုံစံအရ ညာဘက်လက် ချောင်းတွေနဲ့ နိုင်လွန်ကြိုးတွေကို ခတ်ပြင်းပြင်းလေးလဲ ရိုက်တတ်ပါတယ်။ တချို့ပညာရှင် တွေက သံစုံတီးဝိုင်းတွေနဲ့လဲ တွဲတီးကြပါတယ် ဂစ်တာအိုးတွေ အပေါ်မှာလဲ ဗုံစည်းချက် တွေကိုတီးထားတာတွေလဲရှိပါတယ်။

တလောကတောင် ကိုအောင်သာငယ်နဲ့ Flamenco Music တွေအကြောင်းပြောဖြစ်ကြ ပါသေးတယ်။ သူလဲအရင်ကတီးခဲဘူးတယ် ကျနော့်ကိုလဲအကြံတချို့ပေးသွားပါသေးတယ်။ သူကတော့ Classical Music ကိုပဲတီးခြင်တော့တယ်တဲ့။ ကျနော်ကတော့ Flamenco တွေကို ပိုကြိုက်လာသလိုပဲ။ Right hand သိတ်ကောင်းလို့လေ ကျနော်ကလည်း Right hand အား နည်းခဲ့တာကိုး။ ဒါပေမဲ့ဗျာ တီးတာမကြာသေးပါဘူး ထုံစံအတိုင်းပေါ့ ဘဝင်မကျကြရင်လဲ သီးခံခံစားကြပါအုံးဗျာ စတီးတာမကြာသေးတော့ ကျနော်လဲ မကျွမ်းကျင်သေးဘူး တော်တော်လိုက်ရအုံးမယ် ဒါမှ တော်ယုံလေးလောက်ရမှာပါ အသက်ကကြီးသွားပြီ ဂီတသမား တယောက်အတွက် လေ့ကျင့်ချိန်က သိတ်စကားပြောတယ်လေ ဝါသနာသမားတယောက် အနေနဲ့တော့ တီးနိုင်သလောက်လေးတော့ တီးခြင်ပါသေးတယ်။



အားလုံးကိုကျေးဇူးပါ.....။


ဂင်ကြီး

အပြည့်အစုံဖတ်ချင်ရင်>>>

Tuesday, April 14, 2009

ဝိရောဓိ အချစ်


ဝိရောဓိ အချစ်


အင်္ကြန်မှာ
ရေမစိုတဲ့အခါ
လွမ်းရတာတွေနဲ့ ထောင်းထောင်းကြေ။

ရေမစိုတဲ့ သင်္ကြန်တွေနဲ့
စီးချင်းထိုးခဲ့ရဖူးတယ်
စစ်မြေပြင်ကျေးလက်မှာ။

ရှားပါးပွင့်ပေါက်
တောပိတောက်ကို
ဘားတိုက်ဆောက်ဖို့ ခုတ်လိုက်ပြီ လို့လည်း
တို့မှတ်ခဲ့ဖူးတယ်
စစ်တန်းလျား ကျေးလက်မှာ။

တူးပို့တေးသံနဲ့
ရေတွေ ...ရေတွေစိုကုန်ပြီဆိုတဲ့ သင်္ကြန်မှာပေါ့
ပုတတ်စာတွေ လိုက်ချိုးကြ
ဥသျှစ်ရွက်တွေ လိုက်ဆွတ်ကြ
ခါချဉ်ဥတွေ လိုက်ဖွတ်ကြ
မြင်းခွာရွက်တွေ လိုက်နှုတ်ကြ
ပုရစ်တွေ လိုက်တူးရ
ပုစဉ်းရင်ကွဲတွေ လိုက်ဖမ်းရ။

နွေခေါင်ခေါင် ရေခေါင်ခေါင်မှာ
ရန်နဲ့ငါ
ကျည်ဆန်တွေလောင်းချကြဖို့
တောင်တန်းတွေပေါ်မှာ
မဏ္ဍပ်ထိုးပြီး စောင့်ခဲ့ကြဖူးတယ်။
ရေမစိုတဲ့သင်္ကြန်
သံလွင်
သောင်ရင်း
သောက်ရေခပ်
ပွန်ချောင်း
ပေါင်းလောင်းချောင်းတွေထဲ
ခုန်ခုန်ချကြ
အဲဒီလိုနဲ့ ကျေနပ်ခဲ့ရ။

လူထုကိုမှီခိုကာ
တော်လှန်စစ်နွဲရမှာ။

သင်္ကြန်မှာ ရေမစိုစဉ်က
တခုခုကိုလွမ်းခဲ့ပြီး
အခုတော့
ရေမစိုတဲ့ သင်္ကြန်တွေကိုပဲ
ပြန်ပြန်လွမ်းနေရ
တောင်ယာတွေက ရေမကစားတတ်ဖူးလေ။

သားရေ ...
မင်းရဲ့ ရေသေနတ်ကလေးနဲ့
မပစ်လိုက်ပါနဲ့
အဖေ့တကိုယ်လုံး
အလွမ်းတွေနဲ့ ရွှဲရွှဲစိုကုန်မှာစိုးလို့ပါကွယ်။

ညိုထက် (လမ်းသစ်ဦး)

အပြည့်အစုံဖတ်ချင်ရင်>>>

Sunday, April 12, 2009

မနေ့ကသင်္ကြန်ပွဲရဲ့ မျိုးဆက်သစ်လေးတွေ

မနေ့က ဆက်တင်ဘို့ကျန်သွားတဲ့ အော်ရီဂန်က မျိုးဆက်သစ်လေးတွေရဲ့ ဖျော်ဖြေမှုလေး တွေကို လည်း ဒီနေရာမှာ ထပ်တင်ထားပါတယ်။ ဝါသနာရှင်လေးတွေ ဆိုတော့ ချို့ယွင်းချက်လေးတွေ နည်း နည်းပါတာပေါ့ ဒါပေမဲ့ခလေးတွေရဲ့ အခုလိုကျိုးစားဖျော်ဖြေမှုလေးတွေကို တခုတ်တရ အသိ အမှတ်ပြုတင်ပြလိုက်တာပါ။ သူတို့ရဲ့ဝါသနာပိုးလေးတွေကို အသိအမှတ်ပြုပေးရမယ်မလား။ ဒီ ပွဲလေးကတော့သူ့ဟာနဲ့သူတော့ အောင်အောင်မြင်မြင်လေးပြီးဆုံးသွားခဲ့ပါတယ်..။ သွားရောက် နားဆင်ပေးကြ ပါအုံးနော်။

အပြည့်အစုံဖတ်ချင်ရင်>>>

မျိုးဆက်သစ်သင်္ကြန် (အော်ရီဂန်)

ဒီကနေ အော်ရီဂန်မှာပြုလုပ်တဲ့ ရိုးရာအတာသင်္ကြန်ပွဲရဲ့ ဗွီဒီယိုတချို့ကို ဒီနေရာလေး မှာတင်ပေးထားပါတယ်ဗျာ။ မိတ်ဆွေတွေ အားလုံးမျှဝေခံစားကြဘို့ပါ ကျနော်ရယ် မိုးကျော်ရယ် ဝိုင်းမော်၊ ဂျင်မီနဲ့ စောဟင်နရီတို့အပါအဝင် အော်ရီဂန်က မြန်မာလူယ်တွေရဲ့ ကြိုးစားထားမှုလေးတွေပါ။ မြန်မာ့ နှစ်ကူးမှာမိတ်ဆွေတွေအားလုံး ရွှင်လန်းပျော်ရွှင်စေချင် ပါတယ်ဗျာ သွားရောက်ခံစားကြည့်ကြပါအုံး။

အပြည့်အစုံဖတ်ချင်ရင်>>>

Saturday, April 11, 2009

အော်ရီဂန်ပြည်နယ်မှ မြန်မာ့သင်္ကြန်

မြန်မာသက္ကရာဇ် ၁၃၇၁ခုနှစ် ဧပြီလ ၁၁ ရက်နေ့မှာ မြန်မာ့ရိုးရာသင်္ကြန်ပွဲအော်ရီဂွန်ပြည်နယ် ပေါ့လန်းမြို့တွင်ကျင်းပတဲ့ ရိုးရာသင်္ကြန်ပွဲပါ။ ဒီပွဲကို မြန်မာ့ရိုးရာယဉ်ကျေးမှုဆန်စွာ သင်္ကြန် သံချပ်၊မြန်မာ့သမီးပျိုလေးများ ရဲ့ယိမ်းအက၊သင်္ကြန်သီချင်းများ၊ခေတ်ပေါ်တေးဂီတ စသည့် ဖြင့်တင်ဆက်သွားးကြပါတယ်။ လာရောက်အားပေး သူမြန်မာနိုင်ငံသား၊ မိတ်ဆွေအမေရိကန် များနှင့် အသီးသီးသောပရိသတ်များအား မြန်မာ့ရိုးရာအစားအစာမျိုးစုံလင်စွာဖြင့် တည့်ခင်း ဧည်ခံခဲ့ကြသလို မြန်မာ့ရိုးရာယဉ်ကျေးမှုနဲ့အညီ သက်ကြီးပူဇော်ပွဲကိုလဲ ကျင်းပခဲ့ကြပါတယ်။



သက်ကြီးရွယ်ကြီးများကို ကြွရောက်လာကြသော ပရိတ်သတ်များမှ ကန်တော့ကြပြီး သမီိးငယ်လေးများက ပူဇော်ပစ္စည်းများကို လှူဒါန်းနေကြစဉ်


သမီိးငယ်လေးများက သင်္ကြန်ယိမ်းအကနှင့် ဖျော်ဖြေနေကြစဉ်


အဆိုနှင့်အက တွဲဖက်ဖျော်ဖြေနေကြစဉ်


ပေါ့လန်းလှပျိုဖြူလေးများ၏ သင်္ကြန်ယိမ်းအက


မန်းတောင်ရိပ်ခိုသီချင်းနှင့် ပရိတ်သတ်အားလုံး ပျော်ရွှင်စွာ အဆုံးသတ်ကြစဉ်


နောက်ရက်တွေမှာ ဗွီဒီယိုသတင်းတွေကို ဆက်တင်ပြသွားပါမယ်။

အပြည့်အစုံဖတ်ချင်ရင်>>>

Thursday, April 2, 2009

conficker worm တဝက်မိသွားခြင်း (ဂင်ကြီး)


ဒီရက်ပိုင်း conficker worm တကမ္ဘာလုံးမှာရှိတဲ့ ကွန်ပြူတာတွေကို နှောက်ယှက်တော့မယ် ဆိုတော့ ထုံးစံအတိုင်းအလုပ်များနေတာပေါ့ဗျာ ဝဘ်ဆိုက်တွေသွား စာတွေလိုက်ဖတ် မြန်မာ ဘလော့တွေသွားစာတွေဖတ် မသိသေးတဲ့သူငယ်ချင်းတွေသတိပေး အလုပ်တွေများသားက လား။ မိတ်ဆွေဘလော်ဂါတွေလဲ ရေးကြပါတယ်ဗျာ ကိုအောင်သာငယ် နောက် ညီမမပန် စသည်စသည်ဖြင့်ပေါ့ဗျာ ရေးကြ၊ သတိတွေပေးကြပါတယ်။ နောက်ကိုယ့်ကွန်ပြူတာမှာ လဲလုပ်စရာရှိတာလုပ် သတင်းတွေထဲမှာလဲလိုက်ဖတ် အလုပ်များသားကလား။

နောက်ပြီးတော့ ဒီနှစ်သင်္ကြန်အတွက် ဖျော်ဖြေရေးတာဝန်ကလဲရှိနေတော့ သီချင်းတွေ ရှာရတယ်လေ ဆိုမဲ့ခလေးတွေက သူတို့ဆိုချင်တဲ့သီချင်းခေါင်းစဉ်ပဲ ပြောလိုက်ကြတာလေ ကိုယ်ကနုတ်တွေရှာရတယ် ရှာတော့လဲ ဝဘ်ဆိုက်တွေက သီချင်းလိုက်နားထောင် ပြီးရင်ပြန်ရေး Lead Guitarist ကအလုပ်ဆင်းနေရတော့ ကျနော်ကပဲ (အလုပ်မရှိအကိုင်မရှိ) လုပ်နေရတာပေါ့လေ ဝါသနာလေးကလဲပါတာကိုး ဒီတော့ ကွန်ပြူတာတခုခုဖြစ်သွားရင် အခက်ပေါ့လေ တချို့နုတ်တွေက ကွန်ပြူတာထဲသိမ်းထားတာမလား ဒီတော့ print out လုပ် တယ်လေ။ ဖြစ်ခြင်တော့ printer ကဒုက္ခပေး ပြင်တယ်..ပြင်တယ်..ပြင်တယ် ကောင်းသွား တော့မှင်ကကုန်ပြန် ဟူး…မခက်ဘူးလားဗျာ IT ခေတ်ရဲ့ ဒုက္ခတွေလို့ဆိုရမလား၊ လွဲချော် မှုတွေလို့ဆိုရမလား၊ ကိုယ်ပဲအသုံးမကျတာလား မပြောတတ်တော့ပါဘူးဗျာ။

နောက်တော့ ကောင်းသွားရောဆိုပါတော့ဗျာ လုပ်စရာတွေလဲလုပ်ပြီးပြီဆိုတော့ ထုံးစံအတိုင်း မိတ်ဆွေဘလော်ဂါတွေဆီ အလည်ထွက်တာပေါ့ဗျာ မဟေသီကလည်းအလုပ်သွားဘို့ ပြင် နေတာပေါ့ “သမီးတွေကျောင်းကပြန်လာတော့မယ်” ဟုတ်ပြီ..ဟုတ်ပြီ ခလေးကြိုရတော့ မယ်လေ ခနနေသူတို့အမေလိုက်ပို့ရအုံးမှာ..စိတ်ထဲကတွေးပြီး လုပ်စရာလေးတွေသာတန်း စီနေတာ လူက စင်္ကာပူရောက်နေတာလေ ဘလော့တွေမှာလည်နေလို့ရှိရင် တခါတလေ ဖြတ် ရခက်တာ အခက်သားဗျ သူတို့ရေးတာလေးဖတ် ကွန်မင့်မပေးဖြစ်ရင်တောင် စီဘောက်မှာ အော်ခဲ့ရမှာမလား ကိုယ်ပြောခြင်တာလေးပေါ့လေ။ ဒီတော့မြန်မြန်လေးဖတ်နေတာပေါ့လေ ကျနော်ဖတ်နေတာက ညီမ မပန်ဒိုရာရေးထားတဲ့ ပိုစ်အသစ်လေး conficker worm အ ကြောင်းကစတာလေးလေ ဖတ်လက်စတဝက်လောက်လဲရောက်ရော စီဘောက်မှာပါနှုတ် ဆက်ဘို့စာလေး အသင့်ရေးလိုက်တော့တာပေါ့ တော်ကြာသွားစရာလေးတွေရှိနေတာကိုး ညီမမပန်ကလဲ သေသေချာချာလေးရေးထားတာကလား (ညီမမပန်ရေ မျှဝေတာကျေးဇူးပါ ပေါ့ အကိုတို့လဲကြည့်ရအုံးမယ်ပေါ့) အဲ့ဒီလိုလေးရေးထားလိုက်တယ်လေ။


သူရေးထားတာလေးကလဲ အလည်လောက်အထိ တော်တော်အချက်အလက်လေးတွေ ကောင်းတာကိုး “ခလေးတွေလာတော့မယ်” အော်ဖတ်ကောင်းနေတုန်း “ဂျောင်း” ဟိုက်သွားပြီ enter ခေါက်လိုက်မိပြီ ဒီမှာဟသူရေးထားတာ သူ့ကွန်ပြူတာမှာပြသာနာတက်လို့တဲ့ ဒါပေမဲ့အကောင်ဖြူဖြူလေးတွေ့တယ်လို့ ရေးထားလို့လေ “အော်ဒီလူတော့လေ April fools ရောက်ပြီလေ မေ့နေပြီလား” အယ်ဟုတ်ပါရဲ့ မေ့နေလိုက်တာ “ဖြစ်ရမယ်တခုခုဆို အလွန်အကျွှံ” မဟေသီမျက်စောင်း..မှတ်ကရော မေ့နေဦး။ ကမန်းကတန်းပြီးအောင်ဆက် ဖတ်လိုက်သေးတာ ပြီးတော့ smiles ပုံလေးတွေထဲက ခေါင်းရှုပ်နေတဲ့ပုံလေး မြန်မြန်ထပ်ပေးလိုက်တယ် ခတ်သုတ်သုတ်လေး ကျောင်းကားဆီပြေးပေါ့လေ ပြန်ရောက် တော့ မဟေသီကစောင့်နေပြီ သူ့အလုပ်လိုက်ပို့ပေးရင်း လမ်းမှာပြောဖြစ်သေးတယ် မဟေ သီဘာပြောတယ်မှတ်သလဲ “အိမ်ပြန်ရောက်ရင် ကွန်ပြူတာမှာ အကောင်ရှာကြည့်အုံး” တဲ့ တယ် ဒီမိန်းမ “ငါအခု April fools တဝက်မိထားတာ နင်လုပ်မှ အပြည့်မိသွားအုံးမယ်” “ပြီးအောင်ဖတ်ပီးမှ စီဘောက်မှာရေးပေါ့” “ငါက နင်လှမ်းအော်နေလို့ အရင်ရေးထားတာ April fools မှန်းသိရင် နောက် လိုတာဆက်ရေးတာပေါ့ဟ” မဟေသီပို့ပြီးပြန်လာတော့ လမ်းမှာ တယောက်တည်းပြုံးမိတယ်လေ ငါတဝက်တော့မိသွားတာပါကလားပေါ့လေ ရေးလဲရေးတတ် တဲ့ပန်ဒိုရာ ဟင်း..ဟင်း..ဟင်း ပေါ့လေ သူစာရေးကောင်းတာ (အကောင်လေး) ရောက်မှပဲ ကြပ်မှန်းသိတော့တာလေ အိမ်ပြန်ရောက်တော့ သမီးတွေက ကွန်ပြူတာမှာဆော့နေကြပြီ ဒီကြားထဲဖုန်းကလာရော အဖေ medical appointment အော်ဟုတ်ပါရဲ့ ဒါနဲ့ခလေးတွေပါ ခေါ် အပြင်ပြန်ထွက်ပေါ့လေ။

အိမ်လဲပြန်ရောက်ရော မိုးတောင်ချုပ်နေပေါ့လေ နောက်ခလေးတွေအတွက် စားစရာလေးဘာ လေးလုပ် အဖေ့ကိုဆရာဝန်ပေးလာတဲ့ ဆေးတွေအကြောင်းရှင်းပြ ရေမိုးချိုး နောက်ထမင်းစား ခလေးအိမ်စာစစ်ပေး နောက်ခလေးတွေအိပ်တော့ ကိုယ်လဲငိုက်လာရော။ နောက်နေ့လဲ ရောက်ရော စီဘောက်မှာညီမမပန်ဒိုရာ လာစသွားပါရောလားဗျာ (ဦးဂင်ကြီး အကောင် သေးသေးလေး တွေ့လားတဲ့) မဟေသီကရီတယ်လေ စိတ်ထဲကတော့တွေးမိတယ်လေ April fools တပိုင်းတစမိသွားပါလားလို့ ဘယ်လိုပဲမိမိလေ ကိုယ်ကအလုပ်များနေတာမလား ဟုတ်သေးပါဘူး အဆုံးအထိမဖတ်သေးပဲ စီဘောက်မှာရေးထားတာကြောင့်လား ဒါလဲမဟုတ်ဘူးဗျ ဟင်းဟင်း ပန်ဒိုရာတော့လား နောက်နှစ်ကြရင်တွေ့မယ်ပေါ့။ အော်တယ်လဲချစ်စရာကောင်းတဲ့ ဘလော့ ယဉ်ကျေးမှုလေးပါလား တယောက်နဲ့တယောက် အခုလိုကြပ်ကြ အပြုသဘော ဝေဘန်ကြ တယောက်မသိတာတယောက်မျှဝေကြ ဘာပဲပြောပြော ညီမမပန်ရေ ဒီနှစ်တော့ အကိုတဝက်မိသွားတာအမှန်ပဲဟေ့….ဟေးးးးးးး)။

အပြည့်အစုံဖတ်ချင်ရင်>>>

  © ဦးဂင်ကြီး မြန်မာ သို့မဟုတ် တော်လှန်ဘလော်ဂါ ၂၀၀၈

အောက်မှ အပေါ်သို့