Monday, December 27, 2010

ဘိုဘိုကျော်ငြိမ်း သို့  ထပ်ဆင့်တုံ့ ပြန်ချက်

ဘိုဘိုကျော်ငြိမ်းက ဆရာကြီးလေသံနဲ့ ကျနော့်ကို စတင်ထိုးနှက်ရေးသားလာတဲ့အတွက်၊ ဘိုဘိုကျော်ငြိမ်းနဲ့ စကားမပြောချင် အငြင်းအခုန်မလုပ်ချင်တဲ့ကြားထဲကနေ၊ မလွဲမကင်းသာ သင့်တင့်လျောက်ပတ်စွာနဲ့ပဲ ပထမဆုံးအကြိမ်အဖြစ် ‘ဘိုဘိုကျော်ငြိမ်းသို့တုံ့ ပြန်ချက်’ကို ပြန် လည်ရေးသား ရှင်းလင်းပြခဲ့ပြီးပါ ပြီ၊၊ ဒါလောက်ဆိုရင် လုံလောက်ပြီလို့လဲ ဖေါ်ပြခဲ့ပါတယ်၊၊ ဟို လူနဲ့ ပြဿနာဖေါ်လိုက်၊ ဒီလူနဲ့ ပြဿနာဖန်တီးလိုက်-ဖြစ်နေတဲ့ ဘိုဘိုကျော်ငြိမ်းရဲ့  တကယ့် ရည်ရွယ်ချက်နဲ့ ပကတိရုပ်ပုံမှန်ကို အတိုင်းသားမြင်မိ တွေ့မိနေလို့ပါပဲ၊၊ ဗိုလ်ချုပ်အောင်ဆန်းတို့ ခေတ်က ဘာလို့အောင်ပွဲခံနိုင်ခဲ့ကြသလဲ-ဆိုတာကိုပြောသလိုလိုနဲ့ အဖေဖြစ်သူ ဦးကျော်ငြိမ်းကို အရောင်တင်ပေါလစ်တိုက်ပေးရင်း၊ ကျနော့်ကိုပါလှမ်းပြီး ထိကပါးရိကပါး ထိုးနှက် လာခဲ့တာ တွေ့ရပါတယ်၊၊ အဲဒီ သူ့ဆောင်းပါးကို ဖတ်မိလိုက်သူတွေလဲ သိလိုက်ကြမှာပါ၊၊

ကျနော်က ယဉ်ကျေးစွာနဲ့ ပဲ၊ ဦးပေါ်ဦး လျှောက်ထုံးထဲကလို - ကျွန်းကို ပါစေချင်တဲ့ ဦးပေါ်ဦး က ‘ပိတောက်လဲကောင်းပါတယ် - ကျွန်းလဲကောင်းပါတယ်’၊ ‘ပျဉ်းကတိုးလဲ ကောင်းပါတယ်- ကျွန်းလဲ ကောင်းပါတယ်’ လို့ချည်း လျှောက်တင်နေတာကို အမှတ်ရချင်စရာပဲလို့ပြောခဲ့ပါ တယ်၊၊ တကယ်က ‘ဗိုလ်ချုပ်အောင်ဆန်း တော်ပါတယ်- ကျုပ်အဖေ ဦးကျော်ငြိမ်းလဲ တော်ပါတယ်’ ‘ဦးနုကြီးတို့ ဦးရာရှစ်တို့လဲ တော်ပါတယ်- ကျုပ်အဖေဦးကျော်ငြိမ်းလဲ တော်ပါတယ်’လို့ ပြောချင်နေတာကို အယဉ်ကျေးဆုံး ပမာခိုင်းပြီး ပြောခဲ့ပါတယ်၊၊ ဘိုဘိုကျော်ငြိမ်း ဖေါ်ထုတ် ပြောဆိုလာတဲ့၊ ကျနော်နဲ့ တိုက်ရိုက်ပတ်သက်နေတဲ့ အချက်(၃)ချက်ကိုလဲ ကျနော့်ဖက်က ပြန်လည်ရှင်းလင်းပြခဲ့ပါတယ်၊၊

ဟော အခုတခါ - ဘိုဘိုကျော်ငြိမ်းက ထပ်လုပ်လာပြန်ပါတယ်၊၊ ကျနော့်ရဲ့ တုံ့ ပြန်ချက်အပြီး တပတ်အကြာမှာပဲ၊ မဇ္ဈိမ ထဲမှာပဲ -‘ဦးကျော်ငြိမ်း နှင့် တိုင်း ၆ ’- တဲ့၊၊


ရွှေမန်းတင်မောင် ရဲ့ ပြဇာတ်၊ ဓါတ်ပြားတောင် သွင်းထားပြီး ကျနော်တို့တောသူတောင်သား ကျေးလက်နေပြည်သူလူထုအများစုကြီးကြားမှာ နားရည်ကို တော်တော်ဝနေရတဲ့ ဇာတ်လမ်း၊ ‘ရွဲကုန်သည် ဇာတ်’ ကို သတိရချင်စရာလို့ပဲပြောရဦးမှာပါပဲ၊၊ မတော်လောဘကြီးလှတဲ့ ‘ရွဲကုန် သည်’ ရဲ့  “ မပေး ပေးပေး - ငါ့ ရွှေခွက်ပေး၊ မပေးပေးပေး- ငါ့ ရွှေခွက်ပေး ” ဆိုပြီး၊ ဟစ်ဟစ် ပြီး ငိုလိုက်ဆိုလိုက် တောင်းဆိုလိုက်တဲ့ အသံကို ကြားဖူးကြမှာပါ၊၊ အခုလဲ- ‘မပေး ပေးပေး-ငါ့ရွှေခွက်ပေး၊ မပေးပေးပေး- ငါ့ရွှေခွက်ပေး-’ ဆိုသလို၊ ‘ မသွား သွားသွား- တိုင်း ၆ နိုင်ငံရေး မှူး ’ ‘ မသွား သွားသွား-တိုင်း ၆ နိုင်ငံရေးမှူး ’ လို့ချည်း အတင်းကိုပြောဆိုနေတော့တာပါပဲ၊၊

ဘိုဘိုကျော်ငြိမ်းက ‘အချက်အလက်-အချက်အလက်’ ဆိုတာကို တွင်တွင်ပြောပြီး၊ ဖက်ဆစ် တော်လှန်ရေးမှာ ဦးကျော်ငြိမ်းက တိုင်း(၆) နိုင်ငံရေးမှူးဆိုတာကို အရှင်ရရအသေရရ ကျားပိန် တွယ် တွယ်တောင်းဆိုနေတာဖြစ်ပါတယ်၊၊ ဘိုဘိုကျော်ငြိမ်း ပြောနေတဲ့အချက်အလက်(facts) ဆိုတာက အစည်းအဝေးမှာ တိုင်းတာဝန်တွေခွဲကြစဉ်က သဘောတူစာရင်းပါ အချက်အလက် ကိုပဲ အချက်အလက်လို့ ပြောနေတာဖြစ်ပါတယ်၊၊ ဟုတ်ကဲ့-ကျနော်ကလဲ အချက်အလက်နဲ့ ပဲ အတိုချုပ်အဖြစ်နဲ့ရေးပါတယ်၊၊ ကျနော်ရေးတဲ့အချက်အလက်က အဖြစ်မှန်အချက်အလက် (တကယ့်အမှန်တကယ် လက်တွေ့အချက်အလက်)နဲ့ပဲ သမိုင်းမှန်အဖြစ်ရေးပါတယ်၊၊ဦးကျော် ငြိမ်းဟာ ဘယ်တိုင်းမှကိုသွားခြင်းမရှိတဲ့အတွက် ဘယ်တိုင်းရဲ့ နိုင်ငံရေးမှူးအဖြစ်နဲ့မှ မဖေါ်ပြ ခဲ့တာဖြစ်ပါတယ်၊၊ ဒါ တကယ့်သမိုင်းမှန် လက်တွေ့အချက်အလက်ဖြစ်ပါတယ်၊၊

လက်တွေ့အရ- တိုင်း(၆)နိုင်ငံရေးမှူးအဖြစ်က ဦးကျော်ငြိမ်း မသွားတဲ့အတွက်၊ တိုင်း (၆) နိုင်ငံ ရေးမှူးအဖြစ် ဖြစ်သွားရတာက-သခင်တင်ထွန်း(ကွန်မြူနစ်) ဖြစ်သွားရပါတယ်၊၊ ဒါဖြင့် - ဦးဗ ဆွေနဲ့ဦးကျော်ငြိမ်းကို ဘာလို့ရန်ကုန်တာဝန်ခံလို့ရေးရတာလဲ၊၊ ဗိုလ်ချုပ်ကျော်ဇော ကလဲ ပြောင်းပြီး ရေးခဲ့တာမဟုတ်ပါ၊၊ ဗိုလ်ချုပ်ကျော်ဇောရဲ့ ရေးသားချက်တွေကို အလေးထားပြီး ကိုးကားရေးသားခဲ့တဲ့ ကျနော်(ဝင်းတင့်ထွန်း)ကလဲ မလိုတမာပြောင်ပြီး ရေးခဲ့တာမဟုတ်ပါ၊၊ ဗိုလ်ချုပ်ကျော်ဇောက သူ့ရဲ့ကိုယ်တိုင်ရေးအတ္တုပ္ပတ္တိ စာမျက်နှာ (၈ဝ) မှာ- မှတ်ချက်(၂) ဆို တာမှာ ရေးထားတာက “ တိုင်း (၆) တာဝန်ကျသော ဦးကျော်ငြိမ်းကို တိုင်း(၆)သို့ မပို့တော့ပဲ ရန်ကုန်တွင် ကိုဗဆွေ နဲ့ တွဲဘက်တာဝန်ပေးသည်”လို့ ရေးပါတယ်၊၊ အဲဒါကို ( သခင်တင်မြ ၏ တိုင်းကြီး ၁ဝတိုင်း၊ နှာ ၄၄ ) လို့လဲ ဖေါ်ပြပါတယ်၊၊ အဲဒီတော့ သခင်တင်မြရဲ့ တိုင်းကြီး (၁ဝ) တိုင်းကို အင်မတန်မှ ဖတ်ထားသယောင် ပြောဆိုနေတဲ့ ဘိုဘိုကျော်ငြိမ်းပဲ ပြန်ရှာပြန်ဖတ် ကြည့်စေချင်ပါတယ်၊၊ ကျနော်ကတော့ ကျနော့်စာအုပ်ပြုစုရေးသားစဉ်က အဲဒီစာအုပ်ကို ကိုး ကားခဲ့ခြင်းမရှိတော့၊ ရိုးရိုးသားသားပဲ အဲဒီသခင်တင်မြရဲ့  တိုင်းကြီး(၁ဝ)တိုင်းကို မကိုးကားခဲ့ပါ လို့ပြောခဲ့ပါတယ်၊၊ ကျနော့်ရဲ့ ကိုးကားစာအုပ်စာရင်းမှာလဲ ထည့်ထားခြင်း မရှိခဲ့ပါ၊၊ မကိုးကား ခဲ့တာကို မကိုးကားခဲ့ဘူး-ပြောတာဟာ ဘိုဘိုကျော်ငြိမ်း ဆွဲချပြော ကောက်ချက်ချသလို-ကိုယ့် ဟာကိုယ် ဆင်ဆာလုပ်ခဲ့တာလဲမဟုတ်ပါ၊၊ ကျနော် သခင်တင်မြကို နိုင်ငံရေးအရ မကြိုက်ပေ မဲ့၊သခင်တင်မြ ရေးတာတွေကိုလဲ၊ ကျနော် အဆင်ပြေသလို ဖတ်တာ ရှိပါတယ်၊၊ ဘိုဘိုကျော် ငြိမ်းပဲ အတွင်းသိဖြစ်လို့  သခင်တင်မြရဲ့ စာအုပ်ကိုဖတ်ရမယ်လို့ ပြောနေတော့၊ ဖတ်ကြည့် လိုက်ပါဦး၊၊ ဗိုလ်ချုပ်ကျော်ဇော ရဲ့ မှတ်ချက် (၂)ဆိုတာဟာလဲ၊ အဲဒီသခင်တင်မြရဲ့  တိုင်းကြီး (၁ဝ)တိုင်းထဲက အောက်ခြေမှတ်စု (၂)နဲ့ အတူတူပါပဲ၊၊ သခင်တင်မြရဲ့  တိုင်းကြီး(၁ဝ)တိုင်း အောက်ခြေမှတ်စု (၂) မှာက- ‘တိုင်း ၆ တွင်တာဝန်ကျသောဦးကျော်ငြိမ်းကို တိုင်း(၆) သို့မပို့  တော့ဘဲ ရန်ကုန်တွင် ကိုဗဆွေနှင့်တွဲဖက်တာဝန်ပေးသည်၊၊ တိုင်း၆ နိုင်ငံရေးမှူးအဖြစ် သခင် တင်ထွန်း ( ယခုတောခို ကွန်မြူနစ်)ကို တာဝန်ပေးသည်၊၊ (စာရေးသူ)- တဲ့၊၊ အဲဒါ - သခင်တင် မြရဲ့  “ဖက်ဆစ်တော်လှန်ရေးဌာနချုပ် နှင့် တိုင်း(၁ဝ)တိုင်း” စာအုပ် စာမျက်နှာ (၆၂) မှာ ရေး ထားတာတွေ့ရပါတယ်၊၊ ကျနော့်ဆီက စာအုပ်ကတော့- ကျုံ ပျော်စာအုပ်တိုက်က ထုတ်တဲ့၊ ‘၂၃ကြိမ်မြောက်ဖက်ဆစ်တော်လှန်ရေးနေ့ အတွက် ’ဆိုပြီး ထုတ်တဲ့ ၁၉၆၈၊ ဇူလိုင်-သြ၈ုတ်လ ဒုတိယအကြိမ် အုပ်ရေ (၃ဝဝဝ) ထုတ်စာအုပ်ဖြစ်ပါတယ်၊၊ ဗိုလ်ချုပ်ကျော်ဇော ယူတာက ဘယ်အကြိမ်ထုတ်လဲမသိပါ၊၊ ဒါကြောင့်-အဲဒီအချက်ပါ စာမျက်နှာနံပတ်တော့ ကွဲနေတာတွေ့  ရပါမယ်၊၊ အဲဒီမှာ-( ဦးဗဆွေက ရန်ကုန်တာဝန်ခံအဖြစ် ဆောင်ရွက်ရန် ) လို့  ဖေါ်ပြထားလေ တော့၊ ဦးဗဆွေနဲ့ တွဲဖက်တာဝန်ပေးလိုက်တဲ့ ဦးကျော်ငြိမ်းကို - ကျနော်က ‘ရန်ကုန်တာဝန်ခံ’ လို့ ဖေါ်ပြကာ ‘ဦးဗဆွေနဲ့ ဦးကျော်ငြိမ်းက ရန်ကုန်တာဝန်ခံဖြစ်ပါတယ်’ လို့ရေးတာဟာ ဘယ် မှာမှားပါသလဲ၊ဦးဗဆွေက ရန်ကုန်တာဝန်ခံ - ဦးကျော်ငြိမ်းက ရန်ကုန်တွဲဖက်တာဝန်ခံလို့  ဖေါ် ပြပေးရမှာလား၊၊ ကျနော် မလိုတမာစိတ်နဲ့ရေးသားခဲ့တာမဟုတ်ပဲ၊ သမိုင်းအမှန်အတိုင်း၊သမိုင်း လက်တွေ့ အချက်အလက်အစစ်အမှန်အတိုင်း ရေးသားခဲ့တာဖြစ်ပါတယ်၊၊ သမိုင်းကိုရေးကြ တဲ့အခါမှာစာရင်းပါ အထောက်အထားထက်၊ လက်တွေ့အစစ်အမှန်အထောက်အထားကိုပါ ကြည့်ရှူ့ပြီး စိစစ်ဝေဖန်မှုပါပါအမြင်နဲ့ ရေးသားနိုင်ရေးဟာအင်မတန်မှ အရေးကြီးပါတယ်၊၊ ဘို ဘိုကျော်ငြိမ်းရဲ့ အဖေ- ဦးကျော်ငြိမ်းကိုယ်တိုင် ဝိဓူရသခင်ချစ်မောင်နဲ့ ပတ်သက်ပြီး ဟောဒီလို ရေးသားခဲ့တာတောင် ရှိတယ်မဟုတ်လား၊၊

“(အမျိုးသားအာဇာနည်ခေါင်းဆောင်ကြီး သခင်မြ) အတ္တုပ္ပတ္တိစာအုပ် စာမျက်နှာ (၃၁၄) တွင် ထိုခေတ်သာယာဝတီခရိုင် မြေအောက်တော်လှန်ရေးအဖွဲ့ တွင် ခေါင်းဆောင်တဦးဖြစ်သည်ဟု ဝိဓူရသခင်ချစ်မောင်က ရေးသားထားသော်လည်း၊ ထိုတော်လှန်ရေးအချိန်၌ သူ့ကိုမတွေ့ရပါ၊၊ သူ ပါသည်ဟုလည်းမကြားဖူးပါ၊၊ ဗိုလ်ချုပ်နေဝင်းအသိဖြစ်သည်၊၊ (ဤအချက်ကို ဖေါ်ပြသည် မှာ သမိုင်းမှန်အတိုင်းဖြစ်စေလို၍ဖြစ်သည်၊၊ အာဃာတ ရှိ၍မဟုတ်ပါ၊၊ ) တဲ့၊၊ အဲဒါ ဦးကျော် ငြိမ်းက ဦးကျော်ငြိမ်းရဲ့  ‘ (၁၉၃၆ - ၁၉၄၅ )မြေအောက်သူပုန်အဖွဲ့ ဆိုင်ရာမှတ်စု ’ စာမျက်နှာ (၈)မှာ ရေးသားထားချက်ဖြစ်ပါတယ်၊၊ ဝိဓူရသခင်ချစ်မောင်ဟာ သခင်မြခေါင်းဆောင်တဲ့ ဗဟို မြေအောက်တော်လှန်ရေးအဖွဲ့ ကနေ မြေအောက်တော်လှန်ရေးအဖွဲ့ ခွဲတွေအဖြစ် ခရိုင်(၂ဝ) အဖြစ် ဖွဲ့စည်းတာဝန်ပေးအပ်ရာမှာ အမှတ်(၁ဝ)ဖြစ်တဲ့ သာယာဝတီခရိုင်အဖွဲ့ ရဲ့ အဖွဲ့ဝင်စာ ရင်းမှာ အဖွဲ့ ဝင်အဖြစ်ပါပါတယ်၊၊ ဒါပေမဲ့ လက်တွေ့ ပါဝင်လှုပ်ရှားခဲ့တာ မတွေ့ရတဲ့အတွက်၊ ဦးကျော်ငြိမ်းကသမိုင်းမှန်ဖြစ်စေရေးအတွက် အထက်မှာဖေါ်ပြထားသလို အတိအလင်းရေး သားထားတာ ရှိပါတယ်၊၊ ဘိုဘိုကျော်ငြိမ်းသိမှာပါ၊၊ အဲဒီတော့….အခုလဲ ကျနော်က ဦးကျော် ငြိမ်းက စာရင်းမှာသာပါပေမဲ့၊ ဘယ်တိုင်းကိုမှ နိုင်ငံရေးမှူးအဖြစ်သွားရောက်ခဲ့ဖူးတာ လက် တွေ့အားဖြင့် မရှိတဲ့အတွက်၊ သမိုင်းဖြစ်ရပ်မှန်အတိုင်းရေးသားခဲ့တာ ဘာမှ နာလိုခံခက်ဖြစ် စရာမလိုပါဘူး၊၊ ဒါဟာ သမိုင်းမှန်ပဲလေ၊၊ ဘိုဘိုကျော်ငြိမ်းအနေနဲ့ ဓမ္မဓိဌာန်ကျကျ စဉ်းစားသုံး သပ်ပြောဆိုသင့်ပါတယ်၊၊

ဘိုဘိုကျော်ငြိမ်းက “ -- ဗိုလ်ချုပ်အောင်ဆန်းက စစ်တိုင်း(၁)တာဝန်ကို ဗိုလ်မောင်မောင်ကို လွှဲပေးလိုက်တဲ့အခါ နိုင်ငံရေးမှူး ကိုဗဟိန်းလဲ တာဝန်ကျရာတိုင်းကို ရောက်မလာတော့ဘူး၊၊ ဒါဆို ကိုဗဟိန်းရော သူရဲဘောနည်းတာလား..စသည် စသည်ဖြင့် တွေးမယ်..မေးမယ်..၊ ခရစ်တီကယ်တွေးခေါ်မှု ရှိခဲ့ရင်ပေါ့လို့ သရော်တော်တော်ဖေါ်ပြထားရင်း၊ ဦးကျော်ငြိမ်း-တာဝန်ကျတိုင်း(၆) ကို မသွားတာနဲ့  သခင်ဗဟိန်း - တာဝန်ကျ တိုင်း(၁) မသွားခဲ့တာကို အတူတူပါပဲ သဘောမျိုး၊ ညီမျှခြင်းထိုးပြထားတာလဲမှတ်မှတ်ထင်ထင်တွေ့ရပါတယ်၊၊မသိသား ဆိုးဝါးလှချည်လား-ဘိုဘိုကျော်ငြိမ်း၊၊ ဘိုဘိုကျော်ငြိမ်းအဖေ ဦးကျော်ငြိမ်း တာဝန်ကျတိုင်းကို ရောက်အောင်မသွားခဲ့တာနဲ့  သခင်ဗဟိန်း-တိုင်း(၁)ကို မသွားခဲ့တာဟာ နိုင်ငံရေးသဘောအရ ရော လက်တွေ့ ဖြစ်စဉ်အရပါ လုံးဝလုံးဝကိုမတူညီဘူး၊၊အဲဒီဟာကိုညီမျှခြင်းထိုးပြဖို့ ကြိုးစားရင် ၊အတူတူပဲလို့ထင်ရင်၊ လူရယ်စရာ ဖြစ်သွားလိမ့်မယ်၊၊ သခင်ဗဟိန်း တိုင်း(၁)ကို မသွားတော့ တာက ဗိုလ်ချုပ်အောင်ဆန်းကိုယ်တိုင်ပြောင်းလဲပေးလိုက်တာ၊၊ ဗိုလ်ချုပ်အောင်ဆန်းကိုယ် တိုင်လဲ အခြေအနေအရ တိုင်း(၁)ကိုမသွားတော့ပဲ၊ စစ်ဦးစီးချုပ်ရုံးကိုကွပ်ကဲပြီး၊ တိုင်း(၇) နယ် မြေထဲမှာ အခြေစိုက်ရင်း တိုင်းအသီးသီးရဲ့ တိုက်ပွဲတွေကို ရှေ့ ဆောင်သွားဖို့  ဆုံးဖြတ်လိုက် တာဖြစ်တယ်၊၊ ဖြူးမြို့ နယ်ထဲကို အစောကြီးကတည်းက ရောက်နေတဲ့ သခင်ဗဟိန်းကိုလဲ ရန်ကုန်ကို လာရန်မလိုတော့ပဲ ဖြူးမှာပဲ ဆက်လက်နေထိုင်ပြီး၊ တောင်ငူခရိုင်ထဲက ‘ရဲခေါင် ပြောက်ကျား’တွေကို ဦးစီးသွားစေဖို့ ပြောင်းလဲတာဝန်ပေးလိုက်တာ ဖြစ်တယ်၊၊ အချက်အ လက် အထောက်အထားတွေကို သိချင်တယ်ဆိုရင်တော့ ‘ရဲဘော်မြ’ ရဲ့  ‘ဖက်ဆစ်တော်လှန် ရေး ပြည်သူ့ ရဲခေါင်ပြောက်ကျား’ ဆိုတဲ့ စာအုပ် စာမျက်နှာ (၁၃၅)ထဲမှာလဲ ရှိပါတယ်၊၊ မယုံရင် ဘိုဘိုကျော်ငြိမ်းဖာသာ ရှာဖတ်နိုင်ပါတယ်၊၊ စာတွေကို အပိုဒ်လိုက်ချရေးပြနေရရင် မပြီးနိုင် မစီးနိုင်ဖြစ်နေမှာ စိုးလို့ ၊၊ သခင်ဗဟိန်းဟာ ဖက်ဆစ်တော်လှန်ရေးမစခင် အစောကြီး ကတည်းက ( ၁၉၄၄ သြ၈ုတ်)ကတည်းက၊ ပဲခူးစံပြတပ်ရင်းက ဗိုလ်ချုပ်ကျော်ဇောရဲ့ အိမ်မှာ ဗိုလ်ချုပ်အောင်ဆန်းရယ်၊ သခင်စိုး၊ သခင်သန်းထွန်းတို့  (၃)ဦးတည်းပဲ ဘယ်သူမှမသိအောင် လျှို့ ဝှက်တွေ့ ဆုံကြပြီး နောက်ပိုင်းကတည်းက အဲဒီ ဖြူးဒေသထဲသွားပြီး ပြောက်ကျားစစ် အတွက် အစီအစဉ်ရှိရှိ တာဝန်ယူပြင်ဆင်နေခဲ့တာဖြစ်တယ်၊၊ သွားလိုက်ပြန်လိုက်နဲ့  လျှိှု့ဝှက် စည်းရုံးရေးတွေလုပ်၊ သင်တန်းတွေပေး၊ ပြောက်ကျားစစ်နည်းသစ်တွေကို ရေးသားပြုစုပြင် ဆင်ပေးနဲ့  အခြေခံစခန်းဖြစ်အောင် ရည်ရွယ်ချက်ရှိရှိ ပျိုးထောင်တည်ဆောက်ထားခဲ့ပြီးသား ဖြစ်တယ်၊၊ ပြောရရင် အစောကြီးကတည်းက သခင်ဗဟိန်းရဲ့ အခြေခံစခန်းဟာ ဖြူးနယ်ထဲမှာ နိုင်ငံရေးအရ၊ စည်းရုံးရေးအရ တည်ဆောက်ထားခဲ့ပြီးသားဖြစ်တယ်၊၊ ဒါကို အဓိကအားဖြင့် ဗိုလ်ချုပ်အောင်ဆန်း၊ သခင်သန်းထွန်း၊ သခင်စိုးတို့ လောက်ပဲ လူအနည်းစုလောက်ပဲ သိထား ကြတယ်၊၊ တရုံး၊တဌာနတည်းအတူတူနေနေတဲ့ သခင်နု(ဦးနု)တောင်မသိသလို၊ ဦးကျော်ငြိမ်း လဲမသိပါဘူး၊၊ ဒါကြောင့်လဲ ဖက်ဆစ်တော်လှန်ရေးဆင်နွဲခါနီးအချိန် နီးနေပြီဖြစ်တဲ့အခါမှာ ဖြူးမှာရောက်နေတဲ့ သခင်ဗဟိန်းကို ရန်ကုန်ကိုတက်မလာစေတော့ပဲ၊ ဖြူးနယ်ထဲမှာနေဖို့ ဗိုလ်ချုပ်အောင်ဆန်းက ပြောင်းလဲပေးလိုက်တာ ဖြစ်တယ်၊၊ ပြောင်းလဲလာတဲ့အခြေအနေတွေ အရ၊ ဗိုလ်ချုပ်အောင်ဆန်းကိုယ်တိုင်က အစီအစဉ်တွေကို ပြောင်းလဲသတ်မှတ်ပေးခဲ့တာ ဖြစ် တယ်၊၊ ဒါ့ကြောင့် မသွားတာဖြစ်တယ်၊၊တကယ် ဖက်ဆစ်တော်လှန်ရေးကြီးဆင်နွဲကြပြီ ဆို တော့လဲ သခင်ဗဟိန်းဟာ ကိုယ်တိုင်ကာဘိုင်လွယ်ပြီး၊ လက်တွေ့စစ်မြေပြင်မှာ လက်တွေ့  တိုက်ပွဲဝင်ခဲ့သူမျိုး ဖြစ်တယ်၊၊ ဦးကျော်ငြိမ်းနဲ့ဘာမှမဆိုင်ဘူး၊ မတူဘူး၊၊ ဖက်ဆစ်တော်လှန်ရေး အတွင်းမှာ သခင်ဗဟိန်းခေါင်းဆောင်တဲ့ တောင်ငူခရိုင်အတွင်းက ရဲခေါင် ပြောက်ကျားတွေရဲ့  ရွပ်ရွပ်ချွံချွံတိုက်ပြခဲ့ကြတဲ့ တိုက်စွမ်းအားဟာလဲ ဘယ်လောက်ကြီးမားခဲ့သလဲဆိုရင်၊ ကြိုက်တဲ့ စစ်တိုင်းတွေနဲ့ ယှဉ်ကြည့်လိုက်-ထိပ်တန်းက ဖြစ်နေတာကိုတွေ့ရပါလိမ့်မယ်၊၊ သြဂုတ်လ (၁၄)ရက်နေ့အထိ တိုက်ပွဲစာရင်းချုပ်အရ - ရန်သူဖက်ဆစ်ဂျပန်ပေါင်း( ၇၁၅၉ ) ယောက် ကျ ဆုံးစေခဲ့ပြီး၊ ရန်သူဒဏ်ရာရ ( ၂၇၇၃ )ယောက်၊ သုံ့ ပန်းအဖြစ်နဲ့ က (၅၃၈)ယောက်တောင် ရှိခဲ့တယ်၊၊ ဖက်ဆစ်ရန်သူ(၅၃၈)ယောက်အထိ သုံ့ပန်းအဖြစ် ဖမ်းဆီးနိုင်ခဲ့တယ်ဆိုတာဟာ အင်မတန်ကို ထူးခြားတဲ့ တိုက်စွမ်းရည်ပါပဲ၊၊ တခြားလူမျိုးတွေနဲ့စစ်တိုက်ရတဲ့အခါ သုံ့ပန်း အဖြစ်ရဖို့လွယ်ပေမဲ့ ဂျပန်ကိုသုံ့ပန်းရဖို့ဆိုတာမလွယ်ဘူး၊၊ ဒီအချက်ကို မဟာမိတ်တွေကိုယ် တိုင်ကတောင် အသိအမှတ်ပြုကြတယ်-ဆိုပြီး ဗိုလ်ချုပ်အောင်ဆန်းကိုယ်တိုင် ဖေါ်ထုတ်ပြော ဆိုခဲ့ရတယ်၊၊ ဒီအချက်တွေဟာ သခင်တင်မြရဲ့  တိုင်းကြီး(၁ဝ)တိုင်းစာအုပ် စာမျက်နှာ (၂၆၈) မှာလဲ ပါသလို၊ ‘ဖက်ဆစ်တော်လှန်ရေးရဲခေါင်ပြောက်ကျား’ ဆိုတဲ့စာအုပ် စာမျက်နှာ (၃၃၆) မှာလဲ ပါပါတယ်၊၊
“အဲဒီတောင်ငူရဲခေါင်ပြောက်ကျားတွေကိုဦးစီးပြီး ခေါင်းဆောင်တိုက်ပွဲဝင်ခဲ့တာဟာ သခင်ဗ ဟိန်းနဲ့ သခင်သန်းဖေပါပဲ၊၊ အဓိက နံပတ်တစ်ခေါင်းဆောင်က သခင်ဗဟိန်းပါပဲ၊၊”

ဖက်ဆစ်တော်လှန်ရေးကာလအတွင်း ဦးကျော်ငြိမ်း ဘာလုပ်နေခဲ့သလဲ၊၊ လက်တွေ့ အားဖြင့် ဘာလုပ်နေခဲ့သလဲ၊၊ တိုင်း(၆) ကိုလဲ မသွားပဲ ဘာတွေလုပ်နေခဲ့သလဲ၊၊ ဖက်ဆစ်တော်လှန်ရေး အတွက် မတ်လ (၂၅)ရက်နေ့ လို့  ပထမ ရက်ချိန်းသတ်မှတ်ခဲ့ကြတယ်၊၊ နောက် ဧပြီ (၂)ရက် နေ့လို့သတ်မှတ်တယ်၊၊ အဲဒီလိုသတ်မှတ်ချက်အရ၊ မတ်လ(၁၇)ရက်နေ့မှာ ဗိုလ်ချုပ်အောင် ဆန်းက ရွှေတိ၈ုံဘုရားအနီး ( ယခု-တော်လှန်ရေးပန်းခြံ) မှာ တပ်မတော်စစ်ရေးပြအခမ်း အနားလုပ်ပြီး ‘ရန်သူကို အနိုင်တိုက်ကြ ’ဆိုတဲ့ စစ်ထွက်မိန့် ခွန်းတိုတိုပြောပြီး စစ်ထွက်အခမ်း အနားကိုလုပ်လိုက်တယ်၊၊ မတ်လ(၁၈)ရက်နေ့မှာ သခင်သန်းထွန်းက စစ်တရားဟောဖို့ဆို တာအကြောင်းပြပြီး သူစီစဉ်ပြင်ဆင်ထားတဲ့လျှို့ ဝှက်စခန်းရှိရာ ဖြူးတောင်ငူဖက်ကိုထွက်သွား တယ်၊၊ မတ်လ(၂၃)ရက်နေ့မှာ ဗိုလ်ချုပ်အောင်ဆန်းကိုယ်တိုင် တော်လှန်ရေးအတွက် ရန်ကုန် ကနေ-ပြည်-ရွှေတောင်ဖက်ကို ထွက်သွားတယ်၊၊ ဦးဗဆွေကတော့ ရန်ကုန်တာဝန်ခံမို့  ရန်ကုန် မှာပဲ ရှိနေတယ်၊၊ ဦးဗဆွေ အဖမ်းမခံရသေးပါ၊၊

အဲဒီအချိန်မှာ ကိုယ်တာဝန်ကျရာ စစ်တိုင်းစစ်နယ်မြေဒေသတွေကို နည်းလမ်းမျိုးစုံနဲ့ အသီး သီးထွက်သွားနေကြတာကိုလဲ ဦးကျော်ငြိမ်းသိနေပါလျက် ဦးကျော်ငြိမ်းက တာဝန်ကျတိုင်း (၆)ရှိရာ ပျဉ်းမနားကိုမသွားပဲ ရန်ကုန်မှာပဲဆက်ရှိနေတယ်၊၊ ကိုယ်သွားရမှာကိုမသွားပဲ ဦး ကျော်ငြိမ်းဘာလုပ်နေတာလဲ၊၊ ဦးကျော်ငြိမ်းအကြောင်းပြတာကတော့ ‘ဒေါက်တာဗမော်နဲ့ သစ္စာရှိဟန်ဆောင်နေရမယ့် သခင်မြကို ဂျပန်က မယုံပဲသတ်မှာများတယ်၊၊ ဒါကြောင့် သခင်နု၊ ကိုလှမောင်နဲ့ သူ(ဦးကျော်ငြိမ်း)တို့ဟာ တောမခိုသင့်တော့လို့စဉ်းစားပြီး၊ အားလုံးညီညီညွတ် ညွတ်နဲ့  သခင်မြနဲ့ အတူ ၈ျပန်အလိုတော်ရိဟန်ဆောင်ပြီး နေသင့်တယ်ဆိုတာကို ဦးလှမောင် နဲ့ ဦးကျော်ငြိမ်းက သခင်နုကို ဆွေးနွေးပြီး ဦးနုကလဲသဘောတူလိုက်တဲ့အတွက် နေလိုက်တာ လို့ ဆိုပါတယ်၊၊ အဲဒီအချက်အလက်တွေဟာ ဦးကျော်ငြိမ်းရဲ့  ‘မြေအောက်သူပုန်အဖွဲ့ ဆိုင်ရာ မှတ်စု’မှတ်တမ်းထဲမှာ ပါပါတယ်၊၊ အဲဒီနေ့ဟာလဲ မတ်လ(၂၃)ရက်နေ့ပါပဲ၊၊ အဲဒီရက်ပိုင်း တွေအတောတွင်းမှာပဲ ‘တပြည်လုံးအတွက် တော်လှန်ရေးရက်ကို ဧပြီ (၂)ရက်နေ့ အဖြစ်က နေ မတ်လ(၂၇)ရက်နေ့ လို့  ပြောင်းလဲသတ်မှတ်လိုက်တာကိုလဲ ဦးကျော်ငြိမ်းသိပါတယ်၊၊ ဦးဗဆွေ ဂျပန်ကင်ပေတိုင်ရဲ့ အဖမ်းကို ခံရတာက၊ ဦးကျော်ငြိမ်းရဲ့ အဲဒီမှတ်တမ်းအရ မတ်လ (၂၉)ရက်နေ့ မှ ဖြစ်တဲ့အတွက်၊ ဦးကျော်ငြိမ်း အဲဒီနေ့အထိ တိုင်း(၆)ကို မသွားပဲနေနေတာ ဟာ ဦးဗဆွေလွတ်မြောက်ရေးအတွက်မဟုတ်ပဲ၊ သခင်မြအတွက်ပဲဖြစ်နေတာ ထင်ရှားပါ တယ်၊၊ တကယ်က ဦးဗဆွေလွတ်မြောက်ရေးအတွက် ရန်ကုန်မှာ နေနေတာ-ဆိုတဲ့ ဖေါ်ပြ ချက်ကိုကမှားယွင်းနေပါတယ်၊၊ ဒေါက်တာမောင်မောင်တို့၊ သခင်တင်မြတို့ရဲ့ စာအုပ်ပါအ ချက်အလက်ကိုက ဦးကျော်ငြိမ်းအတွက် ဖာဖာထေးထေးဖေါ်ပြပေးထားရဘိသကဲ့သို့  ဖြစ်နေ ပါတယ်၊၊ ဂျပန်ကင်ပေတိုင်က ဦးကျော်ငြိမ်းအိမ်ကိုလာမေးလို့ ဦးကျော်ငြိမ်း နောက်ဖေးပေါက် ကနေထွက်ပြေးရပြီး သခင်မြအိမ်သွားပုန်းနေရတဲ့နေ့ဟာ မတ်လ(၂၇)ရက်နေ့ဖြစ်ပါတယ်၊၊ ဗိုလ်ကျော်ဇောတို့ တိုင်း(၄)ရှိရာ ပဲခူးဖက်နဲ့ တပြည်လုံးနေရာတော်တော်များများမှာ ဖက်ဆစ် တော်လှန်ရေးကို မတ်လ(၂၇)ရက်နေ့မှာပဲ စတင်ဆင်နွဲနေကြပြီဖြစ်ပါတယ်၊၊ အဲဒီတော့ ဦး ကျော်ငြိမ်း ဘာလုပ်ပါသလဲ၊၊ ဦးကျော်ငြိမ်းကိုယ်တိုင်ရေး ‘မြေအောက်သူပုန်အဖွဲ့ဆိုင်ရာ မှတ်စု ’ မှာ - ‘မတ်လ (၂၈)ရက် ကင်ပေတိုင်လာရာကိစ္စအတွက် သခင်မြကတဆင့် အဓိပတိထံအ ကူအညီတောင်းသည်၊၊ ဂျပန်ပြည်သို့အတူအလည်သွားစဉ်က ခင်မင်ရင်းနှီးလာသော ဗိုလ် ချုပ်ကလေး အီချီဒါ ကိုလဲ တယ်လီဖုန်းဆက်အကူအညီတောင်းရာ ၊မကြာမီ မေဂျာဂျင်နရယ် က မစိုးရိမ်ပါနှင့်၊ သူအကာအကွယ်ပေးမည်ဟု အဓိ့ပတိ၏စကားပြန် ‘ဆိုင်တို’ထံမှ စကားပြန် လာပါသည်၊၊

မတ်လ (၂၉) ရက် ထိုနေ့နံနက် ကိုဗဆွေနှင့်ကိုတင်ညွန့်ကို ဂျပန်ကဖမ်းသွားသည်၊၊ တော် လှန်ရေးလုပ်ရန်အချိန်ကျပြီ၊ တော်လှန်ရေးနေ့ မှာ ဧပြီ (၂)ရက်နေ့ မဟုတ်၊ မတ်လ (၂၇)ရက် ဖြစ်သည်၊၊ ပဲခူးနှင့်တပြည်လုံးတွင် (၂၇)ရက်နေ့က ထချနေကြပြီ၊၊ ပဲခူးသခင်ချစ်ထံမှ ဆက် သားလာသည်၊၊ ခင်ဗျား ယနေ့ပုန်းတော့မှ ဖြစ်မည်ဟု ကိုကျော်ညွန့်က ကိုဗဆွေကိုပြောပြီး အိမ်ပေါ်မှ ဆင်းလာပြီးချိန်၌ ကိုဗဆွေကို ဂျပန်ကတက်ဖမ်းသည်ဟု နောင်မှ ကိုကျော်ညွန့်  ပြောပြ၍ သိရသည်၊၊’ - တဲ့၊၊ ဦးဗဆွေ အဖမ်းခံရပြီးနောက် ဦးဗဆွေလွတ်မြောက်ရေးအတွက် ဦးကျော်ငြိမ်း ဘာတွေများဆောင်ရွက်ခဲ့ပါသလဲ၊၊ မတ်လ (၂၉)ရက်ကနေ- ဧပြီလ (၂၂)ရက်နေ့ အထိ( ဂျပန်တွေ ရန်ကုန်က ဧပြီ (၂၃)ရက်နေ့ မှာ ဆုတ်ခွါမှာ ဖြစ်တဲ့အတွက်-မဆုတ်ခွါခင် တရက်အလိုအထိအတွင်း ) ဦးဗဆွေ လွတ်မြောက်ရေးအတွက် ဦးကျော်ငြိမ်း ဘာတွေများ ဆောင်ရွက်ခဲ့ပါသလဲ၊၊ ဘာတခုမှ မတွေ့ရပါ၊၊

ဒါဖြင့်….. ဦးကျော်ငြိမ်း ရန်ကုန်မှာ ဘာတွေလုပ်နေသလဲ၊၊ ဦးကျော်ငြိမ်းရဲ့ ကိုယ်တိုင်ရေး မှတ် စုထဲကအတိုင်းပဲ ရေးထားချက်အတိုင်းပဲ ကြည့်ကြရအောင် -၊၊ ဂျပန်ကင်ပေတိုင်က လာရှာတဲ့ မတ်လ(၂၇)ရက်နေ့ က စပြီး ဟောဒီလိုရေးထားပါတယ်၊၊ [ ကျွန်တော်သည် မတ်လ(၂၇)ရက် နေ့မှစ၍ မိမိအိမ်သို့မပြန်တော့ဘဲ ဂိုးဒင်းဘီဘီလမ်း နိုင်ငံခြားရေးရုံး၌သာနေတော့သည်၊၊ ည အခါစားပွဲပေါ်၌အိပ်သည်၊၊ အိမ်သားများကိုလည်း တိုးကြောင်ကြီးရွာသိုို့ပို့ထားသည်၊၊ ညအချိန် တွင် ရန်ကုန်တမြို့ လုံးမှာ စစ်ကားထရပ်ကားကြီးများစွာ ဥဒဟိုသွားလာနေသည် ကိုထောက်၍ မိတ္တီလာစစ်မျက်နှာဖက်၌ အဘယ်မျှ စစ်အရေးကြီးနေသည်ကို သိသာသည်၊၊ နိုင်ငံခြားရေးရုံး မှာရှိသောရေဒီယိုမှာလည်း နိုင်ငံခြားသတင်းကို ခိုးနားထောင်ရာတွင် မကြားတချက်ကြားတ ချက်ဖြစ်နေသည်၊ညအချိန်၌ ရုံးရှေ့ ဖြတ်သွားနေသော ဂျပန်စစ်ကားကြီးများကိုကြည့်၍ ဘယ် ကားသည် ၈ျပန်ကင်ပေတိုင်မောင်းလာပြီး ငါ့ကိုဖမ်းမည်နည်းဟု တထိတ်ထိတ်ဖြစ်နေရသည်၊၊ စစ်ရှုံးခါနီးတွင် ဂျပန်စစ်တပ်က မရမ်းကားဘူးဟု မည်သူပြောနိုင်မည်နည်း၊၊ ဂျပန်လက်တွင်း၌ အကျယ်ချုပ်မိနေသော ကျွန်တော်တို့ဖက်ဆစ်တော်လှန်ရေးသမားတို့က စိတ်သောကရောက် ၍ ကြောက်နေကြသော်လည်း မြို့သူမြို့သားတို့က အသွားအလာပျက်ဟန်မတူကြချေ၊၊ ထို နှစ် ဧပြီ (၁၃)ရက်မှ (၁၆)ရက်နေ့ အထိ မဟာသင်္ကြန်ပွဲတွင်ရန်ကုန်မြို့သူမြို့သားများသည် မြန်မာအမျိုးသမီးများကို စော်ကားဖျက်ဆီးကြသည့် ဂျပန်များကို သရော်ကြသည်၊၊

(အမေနိုးပါ့မယ် မာစတာရဲ့ ၊ ယော်ရောရှိ ယောရောရှိ)

(ဘီးကျိုးပါ့မယ် မာစတာရဲ့ ၊ ယော်ရောရှိ ယောရောရှိ)
(ကြမ်းကျိုးပါ့မယ် မာစတာရဲ့၊ ယော်ရောရှိ ယောရောရှိ)

မြို့သူမြို့သားပေါင်းများစွာတို့ကဤသံချပ်ကို ထိုးကြသဖြင့် ဂျပန်ကင်ပေတိုင်တို့ လည်း ဘယ် သူ့ကိုဘာမျှ အရေးယူ၍မရတော့ချေ၊၊ ဘယ်သူ့လက်ချက်ဟု တရားခံဖေါ်၍မရချေ၊၊ ဤ နည်းဖြင့် ရက်တွေကုန်ခဲ့ပြီးနောက် ၁၉၄၅ ဧပြီ(၂၂)ရက်နေ့တွင် နံက်(၉)နာရီလောက်၊ ဂျပန် တပ်များ ရန်ကုန်မြို့မှ နောက်တနေ့တွင်ထွက်ခွါရတော့မည်၊၊ ဝန်ကြီးအဖွဲ့ကလည်း ဂျပန်နှင့် မော်လမြိုင်သို့ လိုက်ရတော့မည့် ဝန်ကြီးအဖွဲ့  ချက်ချင်းစည်းဝေးတော့မည်ဟု သခင်နုထံမှ ကျွန်တော်သိရသည်၊၊ သူက နိုင်ငံခြားရေးဝန်ကြီး၊ ကျွန်တော်ကနိုင်ငံခြားရေးအတွင်းဝန် ဖြစ် သည်၊၊ ထိုနေ့နံနက်တွင် ကိုလှမောင်(သံအမတ်ကြီးဟောင်း)နှင့် ကျွန်တော်တို့စိတ်အပူကြ ဆုံးမှာ ကိုဗဆွေကိစ္စဖြစ်သည်၊၊ ဝန်ကြီးအဖွဲ့မော်လမြိုင်မပြောင်းမီ ဂျပန်ဖမ်းထားသော ကိုဗ ဆွေကို လွတ်အောင်မလုပ်နိုင်လျှင် ဂျပန်အသတ်ခံရမှာသေချာသည်၊၊ ကိုဗဆွေကို ဝန်ကြီးအ ဖွဲ့နှင့်ခေါ်သွားနိုင်ခွင့် ဂျပန်ကိုတောင်းရမည်ဖြစ်သည်၊၊ ထိုကိစ္စကိုခေါင်းဆောင်ရန် ကိုလှမောင် နှင့် ကျွန်တော်တို့  သခင်မြကို ချဉ်းကပ်ရာ သခင်မြက ပျော့ညံ့ညံ့ဖြစ်နေသည်၊၊ ဂျပန်ကို သူမပြောရဲသလို ဖြစ်နေသည်၊၊ ထို့ကြောင့် ကျွန်တော်တို့နှစ်ယောက် သခင်နုထံပြေးကြရ သည်၊၊ သခင်နုက ဤကိစ္စမျိုးတွင် ရဲဘော်စိတ်အပြည့်ရှိသည်၊၊ တက်ကြွမှုအပြည့်ဖြင့် ကျွန် တော်တို့ နှစ်ယောက်ကို ချက်ချင်း ဒေါက်တာဗမော်ထံ ခေါ်သွား၍ ကိုဗဆွေအတွက် ဂျပန်ကို ပြောပေးရန် ပူဆာသည်၊၊ဒေါက်တာဗမော်သဘောတူသည်၊၊ ] - တဲ့၊၊

ဦးကျော်ငြိမ်းရဲ့ မှတ်စုအရ ဆိုရင်- (၂၃)ရက်နေ့ ဂျပန်တွေ ရန်ကုန်က ဆုတ်ခွါအပြီး တရက် နှစ်ရက်လောက်အတွင်း ဦးဗဆွေ လွတ်လာခဲ့တဲ့အတွက် ဧပြီ(၂၄)ဝန်းကျင်ခန့်မှာ ဦးဗဆွေ လွတ်လာခဲ့တယ်လို့ ယူဆနိုင်ပါတယ်၊၊ အဲဒီတော့ ဦးဗဆွေ လွတ်မြောက်ရေးအတွက် ရန်ကုန် မှာနေခဲ့ရတယ်ဆိုတဲ့ ဦးကျော်ငြိမ်းဟာ ဦးဗဆွေအတွက် ဘာတွေများလုပ်ဆောင်ပေးနေခဲ့ရ လို့ ပါလဲ၊၊ ဦးဗဆွေအဖမ်းခံရတာက မတ်လ(၂၉)ရက်နေ့ မှ၊ အဲဒီမတ်လ(၂၉)ရက်နေ့ က ဧပြီ (၂၂)အကြား ဦးကျော်ငြိမ်းဘာတွေလုပ်နေပါသလဲ၊၊ တကယ်က ဖက်ဆစ်တော်လှန်ရေးအ တွက် နောက်ဆုံးရက်သတ်မှတ်လိုက်တာက မတ်လ(၂၇)ရက်၊၊ မတ်လ(၂၇)ရက်အကြား တာဝန်ကျတိုင်း(၆) ကိုသွားရမှာကဦးကျော်ငြိမ်း၊၊ မသွားပဲ ပထမတော့သခင်မြအတွက် ဂျပန် အလိုတော်ရိဟန်ဆောင်ပြီးနေခဲ့တယ်လို့ ဆိုတယ်၊၊ ဦးဗဆွေ (၂၉)ရက်နေ့ အဖမ်းခံရပြီးတော့ နောက်ဆုံးမှာ ဦးဗဆွေလွတ်မြောက်ရေးအတွက်လို့ ဖြစ်လာခဲ့ရတယ်၊၊ အဲဒီမတ်လ (၂၉)နဲ့ ဧပြီ လကြားမှာ ဦးဗဆွေလွတ်မြောက်ရေးအတွက် မယ်မယ်ရရ ဘာမှလဲ လုပ်ခဲ့တာမတွေ့ရပဲ၊ ဂျပန်ဆုတ်ခါနီးတရက်အလိုမှ သခင်နုအကူအညီ-ဒေါက်တာဗမော်အကူအညီ ယူခဲ့တာဖြစ် ကြောင်းတွေ့နေရပါတယ်၊၊ ဒီကြားထဲကပဲ သမိုင်းကြောင်းရေးသူ သခင်တင်မြ၊ ဒေါက်တာ မောင်မောင်- စတဲ့စတဲ့ပု၈္ဂိုလ်တွေက ဦးကျော်ငြိမ်းဟာ ဦးဗဆွေလွတ်မြောက်ရေးအတွက် ရန်ကုန်မှာနေခဲ့ရတယ်၊ တိုင်း(၆)ကိုမသွား၊ ရန်ကုန်မှာ ဦးဗဆွေနဲ့ တွဲဖက်တာဝန်ပေး- စသဖြင့် စသဖြင့် အတိုချုပ်ရေးသားဖေါ်ပြ မှတ်တမ်းတင်ပေးထားကြတာတွေဟာ အဖြစ်မှန်နဲ့ဆိုရင် တော်တော်လေးကို မြှင့်တင်ပေးထားဘိသကဲ့သို့တောင် ဖြစ်နေပါသေးတယ်၊၊ ထားပါတော့… ကျနော်က အဲဒီလိုအချက်အလက်တွေအရ ဦးကျော်ငြိမ်းကို ဦးဗဆွေနဲ့တွဲပြီး ရန်ကုန်တာဝန်ခံ များဖြစ်ကြတယ်လို့ ရေးခဲ့တာဟာ ဘာများမှားပါသလဲ၊၊ လုံးဝ လုံးဝကို မမှားပါ၊၊

အဲဒီလိုတွေကြားထဲကပဲ ဘိုဘိုကျော်ငြိမ်းဟာ မကျေနိုင် မချမ်းနိုင် ကပ်သပ်ပြောနေတာဟာ ဘာရည်ရွယ်ချက်ပါလဲ၊၊ ခရစ်တီကယ်တွေးခေါ်မှု ရှိခဲ့ရင်ပေါ့ - ဆိုပြီး၊ ဦးကျော်ငြိမ်း-တိုင်း(၆) မသွားတာကို၊ သခင်ဗဟိန်း-တိုင်း(၁)မသွားတာနဲ့ပါ ယှဉ်ထိုးပြီး ညီမျှခြင်းချပြသလို လုပ်လာ တာကတော့ ကမ်းကုန်အောင် မသိသားဆိုးဝါးမှုပါပဲ၊၊ ဦးပုညရဲ့အဆိုမျိုးနဲ့ပြောရရင် - ‘မိုးကြိုးနဲ့ အီးသံလို ခရီးမှန် ကွာလွန်းလှလေး-’လို့ ပဲ ပြောရတော့မှာပါ၊၊

ဒုတိယတချက်ဖြစ်တဲ့ ဖက်ဆစ်တော်လှန်ရေးတုန်းက စစ်တိုင်းနိုင်ငံရေးမှူးတွေဟာ ကွန်မြူနစ် တွေချည်းဖြစ်ကြတယ်-ဆိုတဲ့ အတိုချုပ်ရေးသားချက်အပေါ် မကျေနိုင်မနပ်နိုင် ဖြစ်နေရတာက လဲ အနှစ်သာရအားဖြင့်တော့ - သူ့ အဖေ ဦးကျော်ငြိမ်းအတွက် အသေအလဲကာကွယ်နေတဲ့ သဘောပဲ ဖြစ်ပါတယ်၊၊ ဦးကျော်ငြိမ်းက ပြည်သူ့ အရေးတော်ပုံပါတီက ဖြစ်နေတော့ တန်းတူထပ်မျှ လုပ်ချင်နေတဲ့သဘောပါပဲ၊၊ ဘိုဘိုကျော်ငြိမ်းက- ‘ထို့ကြောင့်အချက်အလက် အမှန်က ပြည်သူ့ရေးတော်ပုံပါတီက ဦးကျော်ငြိမ်းသည် တိုင်း(၆) နိုင်ငံရေးတာဝန်ခံ၊ ပြည်သူ့  အရေးတော်ပုံပါတီက သခင်ချစ်က တိုင်း(၄)နိုင်ငံရေးတာဝန်ခံ၊ ပြည်သူ့ အရေးတော်ပုံပါတီက ဦးဗဆွေကြီးက ရန်ကုန်နိုင်ငံရေးတာဝန်ခံ၊ ထို့ကြောင့်ဝင်းတင့်ထွန်းရေးတဲ့ တိုင်းနိုင်ငံရေးမှူး များမှာ ကွန်မြူနစ်ပါတီမှချည်း ဖြစ်ကြသည်ဆိုသည့်အချက်မမှန်၊ အဓိပ္ပါယ်မရှိပါ၊၊’ လို့တွင် တွင်အော်နေရှာခြင်း ဖြစ်ပါတယ်၊၊ ‘ပြည်သူ့ အရေးတော်ပုံပါတီ’ ပြည်သူ့ အရေးတော်ပုံပါတီလို့ တွင်တွင်အော်နေတဲ့အပေါ် ကျနော်ကထပ်ပြီးပြောလိုက်ပါဦးမယ်၊၊ ပြည်သူ့အရေးတော်ပုံပါတီ က ဦးကျော်ငြိမ်းက ဖက်ဆစ်တော်လှန်ရေးမှာ ဘယ်မှမသွား၊ ဦးဗဆွေက မတ်လ(၂၉)ရက်က တည်းကဂျပန်အဖမ်းခံထားလိုက်ရတာကြောင့် ဂျပန်ရန်ကုန်ကဆုတ်သွားမှသာ ပြန်လွတ်လာ၊ တပြည်လုံးအကြီးအကျယ်ချနေကြစဉ်တလျောက်မပါနိုင်၊၊ ဒါကြောင့် သခင်ချစ် တယောက်ပဲ ပါ၊၊ သခင်ချစ်တယောက်တောင် ‘ပြည်သူ့အရေးတော်ပုံပါတီ’က ဆိုတာ ဆိုင်းဘုတ်သဘော မျှသာပါ၊၊အနှစ်သာရကျကျ ပြောရလျှင်-ကွန်မြူနစ်ဖြစ်နေခဲ့ပြီလို့တောင်ဆိုနိုင်၊ ဒါကြောင့် တ ကယ်တိုက်နေကြတဲ့ တကယ့်ဖက်ဆစ်တော်လှန်ရေးကြီးအတွင်းမှာ စစ်တိုင်းနိုင်ငံရေးမှူးတွေ ဟာ ကွန်မြူနစ်ပါတီကချည်းလို့ အတိုချုပ်ချုပ်ပြီးရေးလိုက်တာဟာ အမှားလို့မဆိုနိုင်၊၊ တကယ် လို့နောင်မှာ ကျနော်ကိုယ်တိုင်က သည့်ထက်သည် ရှင်းရှင်းလင်းလင်းရှိအောင်ဖြည့်စွက်ချင် တယ်ဆိုပါက‘ကွန်မြူနစ်ပါတီကချည်းလိုလို ဖြစ်တယ်’ဆိုပြီး ‘လိုလို’ နှစ်လုံးတည်းပဲထည့်ပြီး ပြင်နိုင်ပါတယ်၊၊ ကျနော့်ရဲ့စာအုပ်မှာ ‘ရည်စူးပန်ကြား အမှာစကား’မှာ နောင်မှာပိုမိုပြည့်စုံ အောင်ဖြည့်ဆည်းသွားပါ့မယ်လို့ ကြိုတင်ဖေါ်ပြထားပြီးဖြစ်ပါတယ်၊၊

တကယ်က ပြည်သူ့အရေးတော်ပုံပါတီ-ဆိုကာက အခုချိန်အထိ ရှုပ်ထွေးမှုတွေရှိနေပါတယ်၊၊ ဒါကြောင့်သခင်မြနဲ့အရင်းနှီးဆုံးရဲဘော်လဲဖြစ်၊ အာဇာနည်နေ့တိုင်းသခင်မြအတွက် အထိမ်းအ မှတ်အဖြစ် နိုင်ငံရေးသမားဟောင်းကြီးတွေကိုဖိတ်ကြားပြီး နှစ်စဉ်နှစ်တိုင်း သူ့အိမ်မှာဆွမ်း ကျွေးလုပ်လေ့ရှိတဲ့ သခင်ခင်အောင်(သာယာဝတီ)ကိုယ်တိုင်က သခင်မြရဲ့ရာပြည့်အထိမ်း အမှတ်အဖြစ် ၁၉၉၇ခုနှစ်အောက်တိုဘာ(၇)ရက်နေ့ကျင်းပပွဲမှာ ‘ပြည်သူ့အရေးတော်ပုံပါတီ ကို သခင်မြက ဖွဲ့ခဲ့တာလား’ဆိုတဲ့ တစုံတဦးရဲ့ အမေးကို ‘အဲဒီကိစ္စက ရှုပ်ထွေးနေတယ်၊ဘာမှ အတိအကျပြောလို့မရဘူး၊ ဂျပန်ခေတ်တုန်းက ဘယ်သူမှဘာမှ ထင်ထင်ရှားရှားပြောခွင့် လုပ်ခွင့်ရတာမဟုတ်ဘူးဗျ’လို့ ဖြေခဲ့ရဖူးတာရှိပါတယ်၊၊ ၁၉၉၇၊ဒီဇင်ဘာ၊မိုးဂျာနယ်-တက္ကသိုလ် စိန်တင်ရဲ့အာဇာနည်ခေါင်းဆောင်ကြီးသခင်မြ နှစ်တစ်ရာပြည့်ဆောင်းပါးမှာ ပါပါတယ်၊၊ အဲဒီ့ သခင်ခင်အောင်ဟာ ဦးကျော်ငြိမ်းရဲ့ မြေအောက်သူပုန်အဖွဲ့ ဆိုင်ရာမှတ်စုထဲမှာ ပါတဲ့- သခင် ခင်အောင်ပါပဲ၊၊ မတ်လ(၂ဝ)ရက်နေ့ခန့်မှာ သခင်မြအိမ်မှာနေတဲ့၊ သခင်မြရဲ့အတွင်းဝန်က လေးဖြစ်တဲ့ သခင်ခင်အောင်ဟာ သူ့အဖေကာလဝမ်းရောဂါဆန်ဆန်ဖြစ်နေလို့ သာယာဝတီ ကို ချက်ချင်းသွားရမယ်ဆိုပြီး၊ သခင်သန်းထွန်းရဲ့လျှို့ဝှက်တာဝန်ပေးထားချက်အရ၊ သာယာ ဝတီဖက်ကို လေထီးဆင်းကြမယ့်သူတွေအတွက်အစီအစဉ်လုပ်ဖို့ သခင်မြဘေးကနေ သခင်မြ ကိုထားခဲ့ပြီး တော်လှန်ရေးတာဝန်ထမ်းဆောင်ဖို့ ပြေးသွားခဲ့တဲ့သူဟာ ဒီသခင်ခင်အောင် ပါပဲ၊၊သခင်ခင်အောင်ဟာ ခေတ်တိုင်းခေတ်တိုင်း အဖမ်းမခံ၊ထောင်မကျခဲ့ရဖူးတာ မရှိခဲ့ပါဘူး၊၊ ကိုကိုးကျွန်းလဲ အပို့ခံခဲ့ရဖူးပြီး၊ နဝတ-နအဖခေတ်မှာလဲ ဝါရင့်နိုင်ငံရေးသမားကြီးများအဖွဲ့ မှာ တဦးအပါအဝင်ဖြစ်ခဲ့ရင်း အသက်(၉ဝ)ကျော်မှ ဆုံးသွားခဲ့သူဖြစ်ပါတယ်၊၊ နဝတဗိုလ်ခင်ညွန့် က ဗိုလ်ချုပ်ကတော်ဒေါ်ခင်ကြည်ထံ သခင်ဗသိန်းတင်ရဲ့ပေးစာကို ပို့ခဲ့သူလို့လဲ အပြောခံခဲ့ ရသူဖြစ်ပါတယ်၊၊ သခင်မြခေါင်းဆောင်တဲ့မြေအောက်လက်နက်ကိုင်အဖွဲ့  ခရိုင်အဖွဲ့ ခွဲ(၂ဝ)မှာ သာယာဝတီခရိုင်ရဲ့နံပတ်တစ်ခေါင်းဆောင်တာဝန်ယူခဲ့သူလဲဖြစ်ပါတယ်၊၊ ဆိုလိုတာက.. မြေ အောက်အဖွဲ့ မှာ ကိုယ်တိုင်ပါဝင်ခဲ့တဲ့ သခင်ခင်အောင်ကတောင် ပြည်သူ့ အရေးတော်ပုံပါတီ ပေါ်ပေါက်လာမှုဟာ ရှုပ်တွေးမှုတွေရှိနေတယ်လို့ပြောခဲ့ရပါတယ်၊၊ ကွန်မြူနစ်ပါတီဖက်က ပြောမယ်ဆိုရင် - လျှို့ဝှက်ရပ်တည်နေရတဲ့ကွန်မြူနစ်ပါတီနဲ့ တရားဝင်ရပ်တည်နေတဲ့ တို့ ဗမာအစည်းအရုံးကြားမှာ တော်လှန်တက်ကြွတဲ့သူတွေကို စုစည်းဘို့  ‘ပြည်သူ့ အရေးတော်ပုံ ပါတီ’ကို ဖွဲ့လိုက်တာပဲ၊၊ ဒါကြောင့်-ကွန်မြူနစ်ပါတီမှာလဲ အထွေထွေအတွင်းရေးမှူး၊ တို့ ဗမာအစည်းအရုံးမှာလဲ အထွေထွေအတွင်းရေးမှူးလုပ်နေတဲ့ သခင်အောင်ဆန်းဟာ ပြည်သူ့ အရေးတော်ပုံပါတီမှာလဲ အထွေထွေအတွင်းရေးမှူးအဖြစ် တာဝန်ယူလိုက်တာဖြစ်သလို၊ သခင်ဗဟိန်းတို့၊အာအီးတီဦးကျော်ငြိမ်းတို့လို ကွန်မြူနစ်တွေလဲ စတင်ဖွဲ့စည်းစဉ်က ပါနေတာ ဖြစ်တယ်၊၊ အင်္ဂလိပ်ကိုလိုနီခေတ်က အိန္ဒိယရော ဗမာပြည်မှာပါ ကွန်မြူနစ်ပါတီကို ကိုယ့်ဟာ ကိုယ် တရားဝင်ထောင်လို့မရဘူး၊၊ အဲဒီခေတ်က ဂရိတ်ဗြိတိန်ကွန်မြူနစ်ပါတီ (CPGB )ပါတီက ကမကထပြုဖွဲ့မှ တတိယကွန်မြူနစ်အင်တာနေရှင်နယ်ရဲ့စည်းမျဉ်းအရ ကွန်မြူနစ်ပါတီဖြစ် နိုင်တယ်၊၊ အဲဒီတော့ (CPB) က တရားမဝင်ပါတီ၊၊ ဗမာပြည်မှာတရားဝင်ပါတီက တို့ဗမာ အစည်းအရုံး၊ (CPB) နဲ့တို့ ဗမာအစည်းအရုံးကြားမှာ တက်ကြွတဲ့သူတွေကိုစုစည်းဘို့ အရေး တော်ပုံပါတီကို ဖွဲ့လိုက်တဲ့အခါမှာ ကွန်မြူနစ်တွေရော ကွန်မြူနစ်မဟုတ်သူတွေပါ ပါလာ တယ်၊၊ မာ့က်စ်ဝါဒသမားရော မာ့က်စ်ဝါဒဆန့်ကျင်သူတွေပါ ပါလာတယ်၊၊ ဆရာချစ်က မာ့က်စ် ဝါဒယုံကြည်သူအဖြစ်ပါလာတယ်၊ဦးကျော်ငြိမ်းက မာ့က်စ်ဝါဒဆန့်ကျင်သူအဖြစ်နဲ့ ပါလာတယ်၊၊ အရေးတော်ပုံပါတီကတော့ အရေးတော်ပုံပါတီပဲ၊၊ ၁၉၄၄အောက်တိုဘာလဆန်းထဲမှာ သခင် ချစ်အပါ-ပြည်သူ့အရေးတော်ပုံပါတီခေါင်းဆောင်တချို့ဟာ ဒေးဒရဲနယ်မှာခိုနေတဲ့ ကွန်မြူနစ် သခင်စိုးဆီ သွားတွေ့ကြပြီး၊ ၁၉၄၄ခုအောက်တိုဘာ(၃)ရက်နေ့ နေ့စွဲနဲ့‘တော်လှန်ရေးတပ်ဦး’ ဆိုတာဖွဲ့စည်းလိုက်ကြတဲ့အခါ၊ ပြည်သူ့အရေးတော်ပုံပါတီဆိုတဲ့နာမည်ကိုတောင် ဖျက်လိုက် ပြီး တပါတီတည်းအဖြစ်၊ ‘ကွန်မြူနစ်ပါတီ (ဗမာပြည်)’ဆိုတဲ့နာမည်ကို ခံယူလိုက်ကြကြောင်း ကျေညာချက်တောင် ထုတ်ခဲ့ကြဖူးပါတယ်၊၊ အဲဒီအခေါက်မှာ ခေါင်းဆောင်သွားခဲ့သူဟာ ဆရာ ချစ်(သခင်ချစ်)ပါပဲ၊၊ အဲဒီလိုတပါတီတည်းလုပ်ရေးကို သဘောတူခဲ့ကြတာအပေါ် ဦးကျော်ငြိမ်း တောင် တအံ့တသြဖြစ်သွားခဲ့ရတယ်လို့ဆိုတယ်၊၊ ဦးကျော်ငြိမ်းရဲ့ မှတ်စုထဲမှာ-စာမျက်နှာ (၁၄)မှာ- ‘ကျွန်တော်တို့ သည် သခင်ချစ်၊ ဗိုလ်မောင်၊ ဗိုလ်အောင်ကြီးတို့ အုပ်စုက မိမိတို့ အဖွဲ့ ကြီး (ပြည်သူ့ အရေးတော်ပုံအဖွဲ့)ကို ဖျက်သိမ်းသည်အထိ သဘောတူခဲ့သည်ကို အံ့သြမိ သည်၊၊ ’ လို့တောင်ရေးထားပါတယ်၊၊ နောက်ပိုင်းမှ သခင်စိုးရဲ့မိုက်လုံးကြီးမှုနဲ့  ဒီဇင်ဘာမှာ ဒီသဘောတူညီချက်ကိုလဲဖျက်သိမ်းပစ်ခဲ့တာဟာ ကိစ္စတခုဖြစ်ပါတယ်၊၊ သခင်ချစ်ဟာ မာ့က်စ် ဝါဒီလဲဖြစ်တာကြောင့်၊ အဲဒီကာလကတည်းက ဆိုင်းဘုတ်ကသာ ပြည်သူ့အရေးတော်ပုံနဲ့ ဆက်ကျန်နေပြီး သူ့ အသွေးအသားက ကွန်မြူနစ်ဖြစ်နေပြီလို့ ကျနော့်အနေနဲ့ယူဆတယ်၊၊ ဒါကြောင့်လဲ ကွန်မြူနစ်ပါတီဆိုင်းဘုတ်တရားဝင်ထွက်ပေါ်လာတာနဲ့  ကွန်မြူနစ်ပါတီဖက်ကို လုံးဝရောက်ရှိလာခဲ့တာဖြစ်တယ်၊၊ စာဖတ်သူများ စဉ်းစားကြည့်နိုင်ကြဖို့ ဖြစ်ပါတယ်၊၊

ဘိုဘိုကျော်ငြိမ်းက ကျားကုတ်ကျားခဲပြောနေတဲ့ နောက်ဆုံးတချက်က သခင်ဗဟိန်းနဲ့ သခင် တင်မြကိစ္စပါ၊၊ ဘိုဘိုကျော်ငြိမ်းက- ‘သခင်တင်မြ ပြဿနာကို ကြည့်ရင်လဲ ကျနော့်အယူအဆ ကတော့ တယောက်ယောက်က ဝင်းတင့်ထွန်းလို့ အစောကြီးပြောင်းရေးလိုက်တယ်လို့ သံသယရှိတယ်’တဲ့၊၊ ကြည့်စမ်း.. ဘယ့်လောက်အောက်တန်းကျလိုက်တဲ့ စွပ်စွဲချက်ပါလဲ၊၊ ဘိုဘိုကျော်ငြိမ်းရဲ့စွပ်စွဲချက်နဲ့ တန်အောင်သာတုံ့ပြန်ရမယ်ဆိုရင်တော့၊ အဲဒီလိုအောက်တန်း ကျကျလုပ်တတ်တာ ဘိုဘိုကျော်ငြိမ်းအဖေ ဦးကျော်ငြိမ်းပဲရှိလိမ့်မယ်-လို့ ၊၊ သူ့ များဒိုင်ယာရီ ကို သူများရေချိုးသွားနေတုန်းခိုးဖတ်တာ၊ ဗိုလ်နေဝင်းကိုကာကွယ်ရေးဝန်ကြီးပေးဖို့  ဦးနုကို မျက်ရည်ထွက်ပြီးငိုပြတာ၊ ဗိုလ်ဇေယျနဲ့ဗိုလ်နေဝင်းကြား တို့မီးရှို့မီးလုပ်ပြီး ‘အောင်ပြီအောင် ပြီ’ လို့ အော်ပြီး ဝမ်းသာအူမြူးဖြစ်ခဲ့တာ- ဦးနုရဲ့ တာတေစနေသားကိုပဲ ပြန်ဖတ်ကြည့်ကြပါ၊၊

ဘိုဘိုကျော်ငြိမ်းက သူအတ္တနောမတိနဲ့မကိုက်တော့ ကျနော်ကိုးကားရှင်းလင်းပြခဲ့တဲ့ တို့ဗမာ အစည်းအရုံးသမိုင်းစာအုပ်ကြီးထဲက အချက်အလက်တွေကိုတောင် ကရောကမယ်ဖြစ်အောင် လုပ်ချင်တယ်၊၊ သခင်ကြီးတွေရာနဲ့ချီပြီး ရေးသားပြုစုထားတဲ့စာအုပ်ကြီးကိုတောင် စာမျက်နှာ (၅၇၇)နောက်ပိုင်းကစပြီး- ‘စာစီစာကုံးဆန်ဆန် ရေးသားခြင်းသာဖြစ်တယ်’ တို့  ‘ရဲရဲဝံ့ဝံ့ ရေး သားထားတဲ့လေသံမရှိ’တို့ဆိုပြီးလုပ်တော့တာပါပဲ၊၊ ပြီးတော့ကျနော်ရေးတာကိုတောင် သေချာ ဖတ်ဟန်မတူပါ၊၊ ‘ဖတပလ’ဖွဲ့တော့ သခင်သိန်းဖေက အိန္ဒိယမှာပါ၊၊ သခင်ကြီးတွေကော ဒီအစည်းအဝေးမှာ ရှိလို့လား’ တဲ့၊၊ လက်ရှိ ဝါရင့်နိုင်ငံရေးသမားကြီးများအဖွဲ့ က သခင်သိန်းဖေ တို့လဲပါတယ်ဆိုတာ၊ မေးကြည့်ချင်မေးကြည့်နိုင်ဖို့ပြောတာကို၊ ထိုးနှက်ချင်ဇောအားနဲ့ ဘာကို မှ ခွဲခွဲခြားခြားမသိနိုင်တော့သလိုပါပဲ၊၊ ဦးမြဟန်ရဲ့သမိုင်းအဘိဓါန်စာအုပ်ကိုပါ ပူးတွဲဖေါ်ပြ ပေးလိုက်ပြန်တော့လဲ ‘ဦးမြဟန် ရဲ့ သုတေသနပြုမှု မည်မျှသေချာတိကျတယ်ကို ကျနော်မသိ ပါ’လို့လုပ်ချလိုက်ပြန်တယ်၊၊ စာတွေကို တော်တော်ကိုဖတ်သယောင်ယောင်ပြောပြီး အဲဒီအ ချက်အလက်တွေကိုတောင် မသိဘူးဖြစ်နေတာက ဘိုဘိုကျော်ငြိမ်းပါ၊၊ သခင်ကြီးတွေ ယူထား တာက ‘သခင်တင်မြ’ မပါခင်၊ အရင်ဆုံး ပထမဆုံးကျတဲ့ ‘ဖက်ဆစ်တိုက်ဖျက်ရေး ပြည်သူ့အ ဖွဲ့ချုပ်’ ဖွဲ့ စည်းတည်ထောင်လိုက်တဲ့ အစည်းအဝေးပါစာရင်းပါ၊၊ ဒါကြောင့် သခင်ကြီးတွေက ပထမဆုံးလို့ ပြောတာပါ၊၊ ၁၉၄၄ ခုနှစ် သြဂုတ်(၂၃)ရက်နေ့ ၊ ဗိုလ်ချုပ်အိမ်အစည်းအဝေးက ဖွဲ့စည်းတည်ထောင်လိုက်တဲ့စာရင်းပါ၊၊ သခင်တင်မြရဲ့တိုင်းကြီး(၁ဝ)တိုင်းပါစာရင်းက တော် တော်နောက်ကျပါတယ်၊၊ ၁၉၄၅ မတ်လ (၁)ရက်ကနေ (၃)ရက်နေ့အထိကျင်းပတဲ့ ပြင်ဆင်ဖွဲ့  စည်းလိုက်တဲ့ ‘ဦးစီးအဖွဲ့’စာရင်းပါ၊၊ နေရာကတော ဦးထွန်းမြတ်လမ်းဒေါင့်က ဗိုလ်ချုပ်အိမ်မှာ ပါပဲ၊၊ ပထမဆုံးဟာ ၂၃-၈-၁၉၄၄အစည်းအဝေးစာရင်းဖြစ်တဲ့အတွက် သခင်ကြီးတွေကလဲ အဲဒါကိုပဲ အဓိကပထမဆုံးအဖြစ် ယူခဲ့တာဖြစ်သလို၊ သူ့ စာအုပ်ကို (၅)နှစ်ကြာသုတေသန ပြုပြီးမှ ရေးသားထားတဲ့ ဦးမြဟန်ကလဲ အဲဒီအတိုင်းယူခဲ့တာဖြစ်ပါတယ်၊၊ ဝင်းတင့်ထွန်းကလဲ အဲဒီအတိုင်း ယူခဲ့တာဖြစ်ပါတယ်၊၊ ဘိုဘိုကျော်ငြိမ်း- ထိကပါးရိကပါးပြုပြီး စွပ်စွဲနေသလို၊ မသိ သားဆိုးဝါးမိုက်မဲလွန်းလှစွာ တဖက်သတ်စွပ်စွဲပြောဆိုနေသလို မဟုတ်ကြောင်း ရှင်းလောက် ပြီလို့ထင်ပါတယ်၊၊ အကိုးအကားအဖြစ် ကြည့်ချင်သေးတယ်ဆိုရင်တော့၊ ၂ဝဝ၄စာပေဗိမာန်က ထုတ်တဲ့ ‘ဖိုးအောင်လေး’ရဲ့  “မြန်မာ့လွတ်လပ်ရေးကြိုးပမ်းမှု ရက်စဉ်သမိုင်း” ဆိုတဲ့ စာအုပ်ထဲ မှာ ရှာကြည့်လိုက်ပါ၊၊

ကျမ်းကိုးဆိုတာဘယ်လို..
သူတေသနဆိုတာဘယ်လို..ဆိုပြီး
ကိုယ့်ဆန္ဒနဲ့ကိုယ်ကိုယ့် အတ္တနောမတိနဲ့ကိုယ်-ပြောချင်ရာတွေ ပြောနေတာကိုလဲ စာတွေရှည် နေပြီဖြစ်တဲ့အတွက် စာဖတ်သူတွေကို အားနာလှပြီဖြစ်တဲ့အတွက် အသေးစိတ်မတုံ့ပြန်လို တော့ပါဘူး၊၊သမိုင်းတွေရေးတဲ့အခါမှာ အကယ်ဒမစ်ဆန်ဆန်ရေးမယ်ဆိုရင်ဖြင့် အောက်ခြေ မှတ်စု (Foot Note)၊ ကျမ်းဆုံးမှတ်စု (End Note)၊ နံဘေးမှတ်စု (Marginal Note)တွေ ပါကို ပါရပါမယ်၊၊ ကျမ်းတွေ-သမိုင်းတွေမှမဟုတ်၊ လိုအပ်တဲ့စာတမ်းတွေ ဆောင်းပါးတွေမှာ အဲဒီ လိုမှတ်စုတွေပါသုံးနိုင်ရင်တော့ကောင်းတယ်ဆိုတာငြင်းစရာမလိုပါ၊၊ဒါပေမဲ့အကြောင်းကြောင်းကြောင့် အခက်အခဲမျိုးစုံကြောင့်-အဲဒီလို ကိုးကားမှတ်စု(Note)တွေကိုမထည့်နိုင်ပဲ အဆုံးကျ မှ ကျမ်းကိုးစာရင်း၊ ရည်ညွှန်းကိုးကားစာရင်းတွေပဲ ထည့်သွင်းပြုစုထုတ်ဝေနေရတာ တွေလဲ- ဗမာပြည်မှာအများကြီးရှိပါတယ်၊၊ဆရာဗန်းမော်တင်အောင်ရဲ့ ကိုလိုနီခေတ်မြန်မာနိုင်ငံသမိုင်း တို့ ၊ ဦးမြဟန်ရဲ့  ကိုလိုနီခေတ်မြန်မာ့သမိုင်းအဘိဓါန်တို့ဟာ နောက်ဆုံးမှ ကျမ်းကိုးစာရင်း ထည့်ပြီးထုတ်ဝေခဲ့ရတာတွေပါ၊၊ ဘိုဘိုကျော်ငြိမ်းရမ်းရမ်းကားကားပြောသလို ဘာအဓိပ္ပါယ်မှ မရှိဆိုတာမဟုတ်ပါဘူး၊၊

အဲဒီတော့ အခုနောက်ဆုံး ပြောပါတော့မယ်၊၊ ဘိုဘိုကျော်ငြိမ်းနဲ့ ပတ်သက်ပြီး၊ ‘အရေးထားတုံ့ ပြန်မနေပါနဲ့ဗျာ’ ‘သူကအခုလိုပြောနိုင်ဖို့တမင်စင်ရှာနေတာမှာ၊ သူ့ရည်ရွယ်ချက်အထမြောက် အောင်၊ တန်းထားပြီး တုံ့ပြန်မနေပါနဲ့ ’ လို့ အသီးသီး ပြောကြဆိုကြ စေတနာနဲ့ သတိပေး ကြတာတွေလဲရှိပါတယ်၊၊ ထိုင်း၊ ဂျပန်၊ အမေရိကန်- စတဲ့စတဲ့ ပြည်ပတွေကနေ ပြောကြ တာလဲ ရှိသလို၊ အနီးအနားကနေ ပြောကြတာတွေလဲ ရှိပါတယ်၊၊ အဲဒီ ပုဂ္ဂိုလ်တွေကို ကျနော် ကတိပေးလိုက်ပြီးသားဖြစ်သလို ကျနော်ကလဲ ဘိုဘိုကျော်ငြိမ်းရဲ့ပကတိရုပ်ပုံမှန်ကို အတိုင်း သား မြင်နေရပြီးသားဖြစ်တာကြောင့် တကြောင်း၊ ကျနော်ကိုယ်တိုင် ပထမတုံ့ပြန်ချက်တုန်း ကတည်းက ပြောထားပြီးသား။ ဒီကနေ့လိုကာလကြီးမှာ ‘အဓိက ပျောက်’ ‘ဘုံရန်သူ ပျောက်’ ဖြစ်စေပြီး ‘ပလုံစီ အမြှုပ်ထရမယ့်ကိစ္စတွေကို တကယ်ကို မလုပ်ချင်တာကြောင့်ပါ၊ ကျနော်ဟာ ဘိုဘိုကျော်ငြိမ်းကို တန်းထားတုံ့ ပြန်ဖို့ သဘောထားမရှိတော့ပါ၊၊အခု နောက်ဆုံးတုံ့ ပြန်ချက် အဖြစ် တုံ့ ပြန်လိုက်တာ ဖြစ်ပါတယ်၊၊
စာရှုသူများကိုလဲ တော်တော်ကို အားနာမိပါတယ်၊၊ ဒါဟာ ဘိုဘိုကျော်ငြိမ်းနဲ့ အပြန်အလှန် နောက်ဆုံးတုံ့ ပြန်ချက်ပါပဲ၊၊ အဲဒီတော့…

ဘိုဘိုကျော်ငြိမ်းကို နောက်ဆုံးပြောချင်တာက ဒါလောက်တတ်တယ် သိတယ် နားလည်တယ် လုပ်နေမယ့်အစား၊စာတအုပ် ပေတအုပ်ဖြစ်အောင် အရင်ဆုံး ရေးသားထုတ်ဝေကြည့်ပါဦး၊၊ ပထမဆုံးအနေနဲ့  ဘိုဘိုကျော်ငြိမ်းရဲ့ အဖေ ဦးကျော်ငြိမ်းရဲ့  ‘ကိုယ်ရေးမှတ်တမ်း’ တို့ ‘၁၉၃၆
-၁၉၄၅ မြေအောက်သူပုန်အဖွဲ့ဆိုင်ရာမှတ်စု’တို့ကိုပဲ စာအုပ်အဖြစ်၊ လူတွေကြား ကျယ်ကျယ် ပြန့် ပြန့် ချထား ထုတ်ဝေလိုက်ပါလို့လဲ ပြောချင်ပါတယ်၊၊ ဘိုဘိုကျော်ငြိမ်းက ပြောထားတယ်- ‘ဦးကျော်ငြိမ်းကို (မုန်း)လို့ရပါတယ်၊၊ (မုန်း)ခွင့်ရှိပါတယ်၊၊ သို့သော် ဦးကျော်ငြိမ်းကို (မုန်း)တာနဲ့ ရာဇဝင်ထဲက ဆွဲနှုတ်ဖို့  မလုပ်ကောင်းပါ ’ ဆိုတာကိုလဲ နောက်ဆုံးပြောလိုက်ချင်ပါတယ်၊၊ စိတ်ချ -စိတ်ချ- ဘိုဘိုကျော်ငြိမ်း၊၊ ဦးကျော်ငြိမ်းကို ရာဇဝင်ထဲကဆွဲမနှုတ်ပါ၊၊ ရာဇဝင်ထဲကို ထားခဲ့မှာပါ၊၊ သမိုင်းဧည့်ခန်းဆောင်ထဲမှာ ဖြစ်မလား၊ သမိုင်းပြတိုက်ထဲမှာဖြစ်မလား၊ သမိုင်း အမှိုက်ခြင်းတောင်းထဲမှာ ဖြစ်မလား-ဆိုတာကတော့၊ ပြည်သူလူထုကြီးကပဲ ရွေးချယ်သတ် မှတ်ပေးကြမှာပါ၊၊ သမိုင်းကြောင်းကို အမှန်အတိုင်းသိမြင်ကြမယ့် နောင်မျိုးဆက်သစ်လူငယ် တွေကပဲ ကောင်းကောင်းကြီး နေရာရွေးချယ် သတ်မှတ်ပေးကြမှာပါ၊၊

ဒါ- နောက်ဆုံးတုံ့ ပြန်ချက်ပါပဲ၊၊

( ဝင်းတင့်ထွန်း )
၂၆-၁၂-၂ဝ ၁ဝ

5 comments:

Thu December 27, 2010 at 3:05 PM  

သြဂုတ်လ (၁၄)ရက်နေ့အထိ တိုက်ပွဲစာရင်းချုပ်အရ - ရန်သူဖက်ဆစ်ဂျပန်ပေါင်း( ၇၁၅၉ ) ယောက် ကျ ဆုံးစေခဲ့ပြီး၊ ရန်သူဒဏ်ရာရ ( ၂၇၇၃ )ယောက်၊ သုံ့ ပန်းအဖြစ်နဲ့ က (၅၃၈)ယောက်တောင် ရှိခဲ့တယ်၊၊ ဖက်ဆစ်ရန်သူ(၅၃၈)ယောက်အထိ သုံ့ပန်းအဖြစ် ဖမ်းဆီးနိုင်ခဲ့တယ်ဆိုတာဟာ အင်မတန်ကို ထူးခြားတဲ့ တိုက်စွမ်းရည်ပါပဲ၊၊
Unbelievable ! this causalities do not occur only between Japan army and AFPL, it must be British allied force Vs. Japan army.
Deep respect to AFPL and patriots for all sacrifices but do not agree this figure by common sense as of 30,0000 Japan army Vs. AFPL forces alone, 3yrs experienced patriotic forces.
Japan till do not agree they was defeated by AFPL proposed by Myanmar scholars. AFPL forces mainly fought with retreated Japan army from frontier of northern Burma at Sittaung river. WW II recorded and named as "forgotten war" for the whole country battle.

Thu December 27, 2010 at 3:33 PM  

Thanks much to Ko Win Tint Htun for detail description. I got a question why BCP submerged to underground (Bogyole Kyaw Zaw accused U Kyaw Nyeia is major driving force).
My opinion, I learned and honored to BCP that was strong frontier to against Japan invaders initially. However, so proud on this achievement and disorganization, aggressive nature and loose character role of some leader gave way to influence of Bo Ne Win military regime till now. In other word, military regime is grown up by fuelling of BCP.
Indian communist party stands at legal movement in India, but BCP could not stand legally is most sorrowful thing for democracy involvement in our country.

Nyo December 27, 2010 at 4:17 PM  

For interesting views on U Kyaw Nyein from facebook discussion http://www.facebook.com/profile.php?id=100001010912206&ref=profile#!/maungbobo/posts/186210758063063 :
Do you know U Kyaw Nyein was the leader of the Burma Socialist Party that supervised the people's militia called Pyu Saw Htin that played havoc to the whole country and killed thousands of innocent people including Thakhin Hla Din Hyi of Pyinmana, Mergui Ma Po, 4 opposition personnel of Minhla etc ? Relatives and admirers of such persons must bear the historical debts. Saya Nyo.
From Saya Mg Mg Nyo:
I don't hate u Kyaw Nyein. I don't see him as a person. I just take him as a politician who made excesses to spoil the country by increasing the polemics and confrontations.U Kyaw Nyeins' good points(1) student leader (2) Earnest politician... (3) Partisan leader looking after his followers (4) Clear-cut in anti-Communism
Bad points: (1) Pathological anti-Communist (2) Used POPA (5) to imprison communists and sympathizers or people he distrusted (3) Began the civil war by issuing order to arrest all communist leaders on 28.3.1948 ((4) Suppressed students for October one month holiday by force using UMP Battalion 22 commanded by Major Tun Tin
(5) Monopolized the army by appointing socialist officers and making them cells (6) Promoted Ne win to general and C in C (7) killed many opponents using militia Pyu Saw Hti (8) Divide and rule students and scholars (Read Dr Than tun 's and Dr Hla Pe's articles) (9) Appointed his cronies to all government posts (10) Gave favor to Indian and Chinese merchants for support his faction (11) He split the AFPFl that led to army coups in 1958 and 1962, now the present limbo for Burma
I have no personal problem with him. In fact we were friends by my books.Just jotting down the facts. (23 December at 23:15)
http://www.facebook.com/profile.php?id=100001010912206&ref=profile#!/maungbobo

Thu December 27, 2010 at 11:52 PM  

Ko Win Tint Htun & U Bo Bo Kyaw Nyein,
I do appreciate to both of you two descriptions and got lesson as remarked by Thakhin Tin Mya " We, old folks were ineffective for country" , a clear sense of everyone's responsibility.
For valuable purpose of history research that needs finding rather than compilation (i.e. AFPL records, personnel diaries and interviews, original copies of related organizations).
Both two presented compilation works rather than own findings as given conditions.
Everyone has own sense to define whether true or not and don't believe every letters on paper.
Due respect to you two stands on faith and hopefully to see homogeneity between you two to overcome present struggling with junta.

အိုးဝေအောင် January 9, 2011 at 8:02 PM  

ဆောင်းပါးခေါင်းစဉ် ဘေးမှာ ရေးသူ ( ဝင်းတင့်ထွန်း )လို့ ထည့်ပေးသင့်တယ်။ မထည့်ရင် ဦးဂင်ကြီးရေးတာလားလို့
စိတ်ဝင်စားပြီး ဖတ်မိကြမယ်။ဆောင်းပါးဆုံးမှ အော်..၀င်းတင့်ထွန်းရေးတာလို့ သိသွားကြတယ်။
ဘလော်ဂါတွေ ကလောင်နာမည် တွဲတင်တတ်ကြပါစေ။

  © ဦးဂင်ကြီး မြန်မာ သို့မဟုတ် တော်လှန်ဘလော်ဂါ ၂၀၀၈

အောက်မှ အပေါ်သို့